Direk Romm Burlat

Pasyon Ang Arte, Pelikulang “Manang” Tribute Sa Mga Magtutudlo

ANGAYNG atngan ang pelikulang “Manang” nga ipasundayag na sa dili madugay. Gikan kini sa pagdumala ni Direk Romm Burlat, ang pelikula giprodyus sa Teresita Tolentino Pambuan (TTP) Productions. Gidalit dinhi sila si Julio Diaz, Sabrina M., Janice Jurado, Carl Vincent Cruz, ug Ms. Tess Tolentino. Ang “Manang” kabahin sa sugilanon sa tawong gitahod nga wala magpasabot nga tiguwang na. Kini ang mga tawong angay respetohan, sugilanon kini sa mga magtutudlo ug daghang maayong leksiyon nga mapudyot dinhi. Matod ni Direk Romm, nga usa ka award winning actor/ director, ang “Manang” kabahin sa usa ka talagsaong magtutudlo. Esplikar niya, “Ang takbo ng story ng ‘Manang’, this is about an exemplary teacher, a model teacher but a problematic mother.” Iya usab nga gisugid kon nganong sila si Julio, Sabrina ug Janice ang gikuha niya sa ilang pelikula. “Siguro gusto ko lang ibalik sila, because they are talents that should not be wasted, lalo na si Julio. I believe everybody deserved a second chance, naman. So, itong tatlo, parang comeback movie nila ito, eh,” matod pa ni Direk Romm sa tulo niya ka artista nga adunay malisod kaayong naagian sa ilang kinabuhi. Samtang, nahisgotan ni Ms. Tess nga ang pelikulang “Manang” usa ka tribute sa mga magtutudlo nga giisip nga ikaduhang ginikanan sa mga tinun-an nga maoy kaabag pagdala kanila sa maayong kaugmaon ugma damlag. Esplikar ni Ms. Tess, “Yes, I can say that this movie, ‘Manang’ is a tribute for all the teachers, for being the source of students’ knowledge and wisdom. In the movie I portrayed a role of a teacher; who touched many lives in her community beyond her duty as a teacher and motivated her students to see the value of education thru the lessons she prepared and taught her classes. ‘Manang’ transformed or molded her students to see themselves in the future as successful human beings. “At the end, parang maligaya sila sa natapos ng anak nila, dahil doon sa magaling na teacher na may malasakit sa mga estudyante nila. May moral lesson talaga sa movie,” mapahiyomong sulti pa ni Ms. Tess. Naglaom ba siyag pasidungog nga makuha niining maong pelikula? Tubag pa ni Direk Romm, “It’s good to hope, but don’t expect… Kasi kapag nag-expect ka, you’ll feel bad if you don’t get it. But if you just hope, win or lose matatanggap mo. “But I’m a little bit confident that it will create waves in international film festivals.” Si Direk Romm wala ug tuo ang gigamang mga proyekto sa pagkakaron. Mao lay pagkahuman niya sa paggama og usa ka komersiyal, unya, human sa “Manang” aduna dayon kiniy sunod: ang “PiraPirasong Pangarap” ug “Bangaw”. Kalabot sa “Pira-Pirasong Pangarap”, ang tentative cast niini gilangkoban nila ni Gabby Concepcion, Jake Cuenca, William Martinez, Lovely Rivero, Jhane Santiaguel, ug uban pa. Gipaila-ila sa pelikula si “Diego Versoza”, nga bagong talent ni Direk Romm. Ang prodyuser usab niini mao si Alexander Lopez. Kining “Pira-Pirasong Pangarap”, pinal na ba ang casts niini? “Hindi pa final ang cast, Gabby and Jake are waiting for the script to finish,” daginoton niyang sulti. Gisukit-sukit usab namo si Direk Romm kon kini bang “Pira-Pirasong Pangarap” ang maisip niyang kinadak-ang proyekto? “So far, ‘Pira-Pirasong Pangarap’ is my biggest project to date. My scriptwriter is the one who wrote for Ma’ Rosa which gave Jaclyn Jose her Best Actress award at Cannes, si Troy Espiritu. Ang editor is one of the best and first in the Philippines na 3D storyboard ang gagamitin sa ‘Pira-Pirasong Pangarap’, na ginagamit lang sa Hollywood at Korea.” Ang “Pira-Pirasong Pangarap” usa ka life story ni Mayor Josemarie Diaz, mayor sa Dakbayan sa Ilagan, Isabela. Matod pa ni Direk Romm, very interesting ang sugilanon sa kinabuhi niini. Giangkon ni Direk Romm nga pasyon gayod niya ang arte ug nagsugod kini sukad niadtong batan-on pa kaayo siya. Pagbabalik-lantaw niya, “My passion for art started when I was six years old. I was with the musical, ‘The Sound of Music’. In the real ‘The Sound of Music’, the Von Trapp family, the youngest kid is a girl, but they couldn’t find one. So they changed the role to a boy. So it was me doing the youngest part.” Matod pa niya, mahiligon gyod siya niini niadtong bata pa siya, maong misalmot siya sa mga pasundayag sa tulunghaan, mga kompetisyon sa tulunghaan, ug mga tigi sa ilang komunidad. Apan tungod kay halayo kaayo ang Mindanao sa Manila, wala kaayo siyay kahigayonan alang sa iyang talento, ug tungod kay estrikto kuno kaayo ang iyang mga ginikanan, maong nawala ang iyang pokus sa iyang kamahiligon sa arte. Nahibalik lamang kini human siya makatapos sa pagtungha. “So, I did it when I finished my college. I went to Manila and supposed to start in showbusiness. In college is where it developed again and I was given a chance to audition in some musicals and stage plays,” butyag pa ni Direk Romm. —