Usa Ka Maayong Kasinatian Sa Pagkat-on

DAGHAN na akog pagsuway nga naagian isip usa ka retratista ilabi na niadtong mao pay pagsugod-sugod nako. Usa sa giatubang nakong suliran mao ang budget. Tungod kay passion ko ang photography, nagsugod una ako sa pagka praktikal sanglit mahal man ang mga gamit sa pagpanghulagway ilabi na ang mga prime lens. Alang sa mga nagsugod-sugod pa lang sa photography, ang prime lens usa ka matang sa camera lens nga adunay nagpirmeng focal length. Ang buot ipasabot, kining maong lente dili ma-zoom maong ang mismong maghuhulagway ang moduol o mopalayo sa distansiya sa iyang subject aron kini mahulagwayan. Maayo ang performance niining maong mga lenteng sa low light situations. Ang prime lens adunay wide maximum aperture, sama sa f/1.2, f/1.4 ug f/1.8. Sa mubong pagkasulti, ang mga hulagwayan nga gamitan og wide maximum aperture adunay maayong “bokeh” o kanang adunay aesthetic nga may out of focus o blur nga background. Kon moingon nga “manual” prime lens, nagpasabot nga ang pag-focus depende sa imong mga mata ingon man ang paggamit sa imong mga kamot sa pagliso o pagtuyok sa dial ring. Maabot kaayo ang kantidad niini tungod kay yano lang ang konstruksiyon niini komparar sa modernong auto focus nga mga lente. Ug niadto nakakaplag ako og usa ka manual prime lens nga haom lang sa akong mirrorless camera ug sibo sab sa akong budget. Gipalit ko ang manual prime lens nga 25mm, f/1.8. Sakto kaayo sa akong lifestyle isip usa ka maghuhulagway nga old school aesthetic ang estilo ug paboritong mokuha og mga portrait. Mao kini ang pipila sa advantage ug disadvantage sa manual prime lens nga 25mm ug f/1.8 nga akong gibase sa akong kasinatian. Una, kining maong lente Migamit ako og dili kaayo ubos nga aperture niining maong hulagway aron mahulagwayan si Amanda sa ubang anggulo nga dili maapektohan ang sharpness detail sa iyang mukha. Migamit sab ako og LED light sa maximum level niini (1/180 sec, f5.6, ISO 400) adunay sleek design ug vintage character nga sama sa mga SLR manual prime lens. Ikaduha, solido ang construction niining maong lente. Gama kini sa metal ug bisan tuod gamay kini, gaan ug handy. Halos paigo kini sa akong bolsa ug mahimo kaayong dad-on bisan asa aron makakuha og street photography ug landscape photography. Ikatulo, maayo kining maong lenteng sa low light situation. Ug tungod sa ubos nga aperture niining f1.8 nagpasabot nga mas daghang kahayag ang makasulod sa kamera. Ikaupat, maayo ang bokeh o shallow depth of field tungod sa low aperture niining maong lente. Maong mas lutaw kaayo ug direct to the point ang subject. Ikalima, kon makuha ang perfect focus sa subject magbaton kinig maayong sharpness sa sentro sa subject. Ikaunom, makamugna kini og vignette o kanang soft dark border sa usa ka hulagway. Ang mga hulagway nga adunay vignette adunay mga birtud sa hulagway nga usar sa panahon sa film photography. Ikapito, alang sa mga limitado ang budget ug buot mokuha og mga hulagway nga matahom ug talagsaong presensiya, kining maong manual prime lens maayong paliton sanglit kini ang usa sa labing barato og presyo sa linya sa mga manual prime lens. Aduna lamay duha ka disadvantage kining maong lente base pa gihapon sa akong personal nga kasinatian. Una, usa ka dakong hagit ang pag-focus sa manual ilabi na kon dili ingon katin-aw ang atong mga mata. Tungod kay mahiligon ako sa pagkuha og portrait, adunay kadugayon ang akong pag-focus. Ako man gong seguradohon nga sharp ang akong subject maong ako gayong i-double check sa playback sa akong kamera ang resulta sa akong kuha. Kon tan-awon man god sa screen sa kamera ang gikuha kong hulagway, ingon sa sharp man kini. Apan kon i-zoom na nako, out of focus man diay. Ikaduha, kon madugay sa pag-focus ang retratista, mahimong mawala sa momentum ang subject ug manghawoy sa iyang pagposing o mahimo usab nga makapiyong ang subject inigklik sa camera button. Maong kinahanglan 15 unang pihoon nga husto ang pag-focus sa dili pa iklik ang camera button. Kon naanad na sa paggamit sa manual focusing mamahimong smooth na usab ang pag-shoot sa portrait gamit ang manual prime lens. Dili pa lang dugay, subli kong gigamit kining maong lente aron mahulagwayan ang aktres ug magpapatigayon nga si Amanda Avecillo alang sa iyang indoor portrait photoshoot. One lighting set up lang alang sa iyang headshot, igo na aron mahayagan ang iyang matahom nga nawong. Makaingon kong hanas na ko sa pag-focus og manual tungod kay smooth sailing ang among photoshoot tandi sa mga unang tuig nga gigamit ko kining maong lente diin kadaghanan sa akong gihulagwayan nahawoyan o kaha nakapiyong. Gawas pa niini, kadaghanan sa akong mga kuha out of focus shots. Gigamit ko usab kaniadto kining maong lente sa uban ko pang photoshoots sa mga featured artist sa Liwayway, Bisaya, Hiligaynon ug Bannawag magasin nga nagresulta og daw vintage film style photographs. Gusto ko usab kaayong gamiton kining maong lente sa matag higayon nga makapalit ako og mga karaang sinina sa ukay-ukay ug ipasul-ob ko sa akong mga kaila ug unya ako silang hulagwayan aron mas ma-feel ang vintage aesthetic sa kinatibuk-an sa hulagway. Paborito ko usab nga gamiton kining maong lente sa flower photography, food photography, product photography, landscape photography o bisan unsang butang nga buot kong mahatagan og matahom nga focus aron hulagwayan. Sa pagpili sa palitong mga gamit sa potograpiya, mahinungdanon nga hatagag pagtagad kon unsay ikatabang niini balik kanato. Kay sa akong kasinatian, nakat-onan ko ang patience. Mahimong iagi sa balik-balik nga pagbansaybansay hangtod nga makab-ot ang gipangandoy nga katahom ug kahait sa mga mugnang hulagway. Sa kataposan, usa ka maayong kasinatian o learning experience ang paggamit niining maong lente ilabi na sa mga nagsugod-sugod pa lang sa photography.—