Dagiti Sugat...

NGEM nakasaganan ti Razon-Colorado Group para iti dayta a Paskua. Idi sumangpet da Bileg Aurelio iti dayta a malem, nakadekorasionen ti Convention Hall iti maikapat a kadsaaran. No mano a tradisional a sabong ti magey a naarkosan ti nayurnos kadagiti diding. No mano gayamen nga aldaw a trabtrabahuen dagiti kinontrata ti General Services Division. Ngem ni kano Winwin ti nangdisenio iti dekorasion ken nangbukel iti programa. “I appreciate your camaraderie,” kinuna ni Bileg Aurelio kadagiti nangisagana iti programa. Kalpasan ti programada a nakayawatan dagiti regalo ti kompania kadagiti nasurok a sangaribu nga empleadona, naawat ni Bileg Aurelio ti awag ni Engr. Trudy Basingan. Dandani kanon ti pannakalussok ti bubon ti lana ngem masapul nga agbakasion dagiti kaaduan a crew dagiti exploration well. “Okay,” kinuna ni Bileg Aurelio. “January, we might announce production,” kinuna ti facility manager. Dimmagasda ken Thor iti MARKE-Ting mall iti igid ti Cadaclan Bay tapno gumatangda iti iregalona kadagiti annakna, ni Janet, da Nana Pacing ken dagiti dadduma pay nga agserserbi iti kaamaanna ken iti kaamaan da Donia Herminia ta ammona a saan la ketdin a mapanunot ti donia daytoy. Uray ni Riz, inyalaanna iti nangina a ladies’ watch manipud iti Hermes a shop iti uneg ti MARKE-Ting. Jaeger-LeCoultre Reverso a relo nga agbalor iti 22,000 a British pound. Adda met para ken ni Media. Set dagiti bado a para ken ni Sahri, aglalo ta sumalpanton a teenager ti balasangna. Bado met laeng ti para ken ni Quid. Inyalaanna met ni Thor iti baro a nabileg a tablet notebook; saan koma nga awaten daytoy ngem impilitna ta masapul daytoy para kadagiti high tech a proyektona. “Kuartaek latta siguron ti iregalok kadaydiay a dangnga?” kinuna ni Bileg Aurelio a ni Saniata Marionne ti kayatna a sawen. “Yaramidakto iti tseke nga itedmo,” kinunana ken ni Thor. Nalagipna met nga isagaan ni manongna a Sadiri Melchor, napia laeng met nga adda gunggona daytoy iti panagsursuratna iti mangdepensa kenkuana ken mangatakar kadagti kabusorna. Dimmagasda iti groseria ken iti wet market ti Dapagan kadagiti saganada a karne, prutas ken nateng, ken kangrunaanna, sadiwa nga ikan ken dadduma pay a taraon manipud iti baybay. Ket pinalabas ni Bileg Aurelio ti Paskua iti sidong ti pamiliana babaen ti ipapanda nga agaama iti Poro Ylocos-Neuro Ortho Center wenno iti yan ni Riz. Dita, insuot ni Bileg Aurelio ti nabalor a relo ni Riz. Ket napanunotna a dinamag iti kaungganna no kasano pay kapaut ti pannaka- coma ni Riz. PANAGSESERREK kalpasan ti Baro a Tawen idi umay dagiti kameng ti Miramar Engineering Services iti opisina ni Bileg Aurelio. Maysa a detaliado nga engineering plan para iti umuna a material recovery facility ti Poro Ylocos Mines and Oils ti impakitada. Kas imbilin ni Bileg Aurelio, mabangon daytoy iti datin a ti kompania iti Sungadan Norte. “Nagalistokayon a nangaramid?” kinuna ni Bileg Aurelio. ti timmulong,” kinuna ti panguluen dagiti inheniero a ni Engr. Paulo Miramar. “Amin a makinaria a masapul, adda payen supplier- mi.”