Richard Quan

Makabelib ang Longevity sa Kalibotan sa Showbiz

USA si Richard Quan sa mga aktor nga nailhan sa pagka versatile, maong dili gyod siya mabakante o kaha mawad-an og mga proyekto.

Actually, kasagaran gyod nga magsunodsunod ang gikabisihang mga pelikula o kaha TV show si Richard.

Bag-o lang siyag midala sa mahinungdanong papel sa TV series nga “Darna” ni Jane de Leon. Sa pagkakaron, usa ka challenging nga movie project ang pagabidahan sa aktor.

Sugid pa ni Richard, “I’m preparing for my next project directed by Jun Posadas.

“Movie about Governor Edwin Jubahib ng Davao ang next project ko, life story niya. Very interesting ang buhay niya, galing sa hirap, naging janitor, konduktor ng bus, naging kanang kamay ni Congressman Pantaleon

Alvarez… first time siyang tumakbo ng governor, nanalo.”

Matod pa sa aktor, kabahin sa pagpangandam niya alang sa role niini mao ang pagpangandam physically, maong gikinahanglan niyang magdugang og timbang. Katapik sab kuno sa iyang pagpangandam, “Dapat mentally and psychologically din at meeting with Governor Jubahib.”

Unang higayon ba kini nga siya ang magdala sa title role sa usa ka tinuod-sa-kinabuhi nga pelikula?

Esplikar niya, “I’ve done it before, isang Japanese character during world war 2, ‘Kapayapaan Sa Gitna Ng Digmaan’ ang title. Ang kakaiba lang dito kay Gov. Jubahib, buhay siya at currently ay governor ng Davao.

“So, mas mayroong kaunting pressure. Bale, ‘Kuya’ ang title ng movie at ito ay under Extraordinaire Production.”

Usa usab siya sa mga aktor nga wala gyod mawad-i og proyekto ug bantogan kaayo ang longevity sa showbiz, unsa man ang ikasulti niyang sekreto maong nakab-ot niya kini?

“Just be professional, ganoon lang naman sa industry. Kung actor ka, act well and continue honing your craft… dapat naggo-grow ka lagi sa iyong craft,” matipid na tugon ni Richard.

Tuig 1994 dihang nagsugod siya sa showbiz ug kini ang pipila sa maingon niyang halandomong mga proyekto nga iyang nahimo.

Pagbalik-handom ni Richard, “Maraming memorable projects, like iyong unang film ko— ‘Saan Ka Man Naroroon’ (directed by Carlos Siguion-Reyna, starring Richard Gomez at Dawn Zulueta), kasi it open a lot of opportunities for me. ‘Yung kay Direk Mike de Leon na ‘Citizen Jake’, iba kasi style of directing niya kaya unforgettable rin.

“Ang movie na ‘1957’ ni Direk Hubert Tibi, kasi after almost 25 years, I won again an award. And iyong ‘Spiders’ Man’ ni Direk

Ruben Soriquez, kasi kakaiba ang character ko roon at first international award ko iyon bale. And a lot more…”

Nalakip sa mga pasidungog nga iyang nadawat mao ang New Movie Actor of the Year sa PMPC Star Award for Movies kaniadtong 1994 alang sa una niyang pelikula, TOFARM Film Festival isip Best Supporting Actor sa pelikula nga “1957” kaniadtong 2018, ug sa International Independent Film Awards— Actor in a Leading Role kaniadtong 2019 alang sa ‘The Spiders’ Man’.

Gisukit sab namo si Richard kon unsa ang iyang ikatambag sa bag-ohanon nga mga artista nga nagtinguha nga mohataas sab ang karera showbiz?

Matod niya, “Be professional. Continue honing your craft. Be a blessing and easy to get along with people you work with. Laging ang mindset— mayroon ka dapat natututunan, which is true naman… life and acting is a nonstop learning process.”

Gawas sa pelikulang “Kuya”, ang atong paaboton kang Richard mao ang “Hiwaga” ug “PKM” ni Direk Joven Tan. —