KUWARTAHAN

Sa usa ka pagnatapok sa eskuylahan sa Balamban, adunay mga managklasmeyt nga nagkitaay human sa daghang katuigan... Donya Jenny: Uy, Belle, morag miangay na man ang lawas nimo sa imong kinabuhi. Donya Annabelle: Mao jod. Nahuman na god ang mga anak nako sa pag-eskuyla ug nangabrod na tanan. Gahulat ra ko sa ilang mga dolyares kada bulan. Donya Jenny: Mao ba? Komosta na man atong kalawasan? Ako, kay gipadiyeta ko sa akong doktor. Delikado daw magpadako ko og lawas. Donya Annabelle: Ayawg tuo ana. Ako karon, kaon lang gihapon og mga torta. Pila ra man ang mga presyo sa tambal, kaya kaayo nato sa atong dolyares. Mas maayo ning dako ta og lawas. Kay kon tambok ta, mas magduhaduha ang mga kidnapper mokidnap nato kay bug-at kaayo ta. Kon makidnap ta, milyones dayon ang pangayoon. Ang tambal sa high blood ug diabetes, libo ra na. Donya Jenny: Bitaw diay, no? Sige, tawga ang weyter, magpakuha ta og sorbetes nga duha ka galon. ANTHONY LOCSIN Davao City