Agkaalaan da Coco ken Lovi

Kayatna a sawen, nasingeden ni Cassy iti pamilia ni Darren.

Iti napan a tawen met laeng, dinakamat ni Cassy nga espesial kenkuana ni Darren.

Hm, ania ngata ti makuna da Zoren Legaspi ken Carmina Villaroel a dadakkel ni Cassy?

* * * Makapalingaling met ‘toy kasasaad da Maggie Wilson ken ti isinsinana a lakayna a ni Wilson Consunji.

Maibatay iti paskil ni Maggie, saan a balido ti pre-nuptial agreementda. Kayatna a sawen, no agballigi ti pannakawaswas ti kasamiento ti kasarda, amin a kinabaknang ni Wilson, makigudua ni Maggie.

Ti saludsod ni Maggie: Isu kadi a kayatnak a maibalud?

Ala.

* * * Napalalo ti ragsak ni Heart Evangelista ta iti kamaudiananna, kinuyog met laengen ni Senador Chiz Escudero a napan nagrampa sadiay Paris, France.

Sabagay, sabali laeng met ngamin ti ragsak nga ipaay ti kaayan-ayat, di kadi?

* * *

Isu met la napalalo ti sakit ti nakem ni Pokwang iti sigud nga asawana ta malaksid nga iti panagriknana, saan nga inayat ti asawana iti 6 a tawen a panagassawada, mapan a binukodan payen daydiay lalaki ti impatakder ni Pokwang a negosio.

Daytoy ‘tay kunkunatayo a doble a kinamalas.

Ala, bareng no makatukma met ni Pokwang iti suertena iti mabiit.—O

APAMAN a nangrugi ti pannakaipabuya ti “FPJ’s Batang Quiapo” iti katengngaan ti Pebrero, dagus a napagsasaritaan daytoy. Malaksid ngamin a ni manen Coco Martin ti bida, maysa manen kadagiti direktor ket babaen dagiti eksena, madlaw nga impempennek daytoy ti nagidirehe. Banag a nangkablaawan dagiti kakaduana iti industria ti showbiz a kas kada John Prats a nakaduana iti “FPJ’s Ang Probinsyano.”

Maysa kadagiti napagsasaritaan (trending) iti social media ti eksena ni Miles Ocampo (a nagakem a naub-ubing nga ina ni Tanggol; nga idi dimmakkel, isu ti inakem ni Coco). Naiparangarang ti laing manen ni Miles, siempre, babaen ti pannarabay ni Coco a kas direktor.

Kabayatanna, ni Lovi Poe ti kaasmang ni Coco iti daytoy a teleserye. Dagus a nadlaw nga agkaalaan dagitoy wenno ‘tay kunada nga adda chemistry-da. Inyangaw la ket ngarud ni Coco ken ni Lovi a saan koma a mainlab kenkuana ti balasang tapno awan ti lumtuad a problema.

Siempre, angaw laeng dayta ta agpadada metten nga addaan iti kaayanayat.

Mainaig iti teleserye, napartak ti addang dagiti eksena ket makapagagar no ania ti magteng daytoy a teleserye no idilig iti “FPJ’s Ang Probinsyano” nga immabot iti sumagmamano a tawen. Wen ta no ‘Batang Quiapo,’ kasano a maikalawa ti saknapen ti istoria a ‘mangbennat’ met iti istoria?

Ala, kitaentayo man ti pangiturongan da Coco ken kakaduana iti daytoy a teleserye.

Malaksid ken ni Lovi, mairaman kadagiti kakadua ni Coco iti teleserye da Cherry Pie Picache, John Estrada, Christopher de Leon, Charo SantosConcio, ken dadduma pay. Mabuya met daytoy iti Kapamilya Channel, Kapamilya Online Live, Cinemo, A2Z, TV5 ken iWanttfc.—O