Mirror Of Fortune

(ANG INYONG KAPALARAN SA SEPTIYEMBRE 2023)

SAGITTARIUS – (Nobiyembre 22 – Disyembre 21) – Mogahin kag panahon alang sa imong isigkaingon. Ipadayon mo ang nasugdang outreach program. Di ka molugak sa imong pangandoy sa kinabuhi. Magmaampoon kanunay. Di ka makabalibad sa hangyo sa kapikas. Domingo ang suwerte mong adlaw ug 8, 7, 2 ang palaran mong numero. CAPRICORN – (Disyembre 22 – Enero 19) – Niining bulana makadawat kag balita nga makapaliskuhag sa imong dalunggan. Wa mo damha nga mapatik ang imong tampo sa usa ka magasin. Ipadayon ang imong hilig sa pagsulat. Makapiyong kas lahing kalalim. Suwerte mong adlaw ang Martes ug palaran mong numero ang 1, 6, 5. AQUARIUS – (Enero 20 – Pebrero 18) – Matugkad mo na ang linugdangan sa imong mga binuhatan. Molikay ka na sa pagkuyog sa imong kabarkada. Itingob na ang imong panahon sa pagtuon sa imong mga leksiyon. Mangita kag paaging makalikay sa tentasyon. Sabado ang suwerte mong adlaw ug 2, 3, 6 ang palaran mong numero. PISCES – (Pebrero 19 – Marso 20) – Niining bulana adunay moduol kanimo nga mangayo og hinabang. Hatagan mo sila apan tudloan mo unsaon pagpanginabuhi nga di magsalig sa uban. Makapukaw kini sa ilang kahimatngon. Magmabungahon ang imong pagmanggad. Suwerte mong adlaw ang Lunes ug palaran mong numero ang 5, 4, 3. ARIES – (Marso 21 – Abril 19) – Mobalik pagaktibo ang imong malalangong imahinasyon. Makakaw-it sa atensiyon sa mga kritiko ang bag-o mong obra. Mogahin ka gayod og panahon sa imong hilig nga buluhaton. Masumok kag relasyon nga magmalungtaron. Biyernes ang suwerte mong adlaw ug 9, 2, 5 ang palaran mong numero. TAURUS – (Abril 20 – Mayo 20) – Niining bulana mopaundayon ang imong madupotong paninguha. Di ka mag-usik og panahon kay nagagpas sa pagpaningkamot. Di ka makabalibad sa mohangyo kanimo. Makahibalag kag binuhat nga mounong kanimo. Suwerte mong adlaw ang Huybes ug palaran mong numero ang 7, 3, 4. GEMINI – (Mayo 21 – Hunyo 20) – Makalingkawas ka nas balayronon sa imong mga utang. Hatagan kag hinabang sa imong igsoon nga nagtrabaho sa abroad. Magdupot ka nang magtrabaho aron di ka magsalig sa uban. Magmalaomon kanunay. Pahinuntan mo ang imong kapikas. Sabado ang suwerte mong adlaw ug 2, 9, 1 ang palaran mong numero. CANCER – (Hunyo 21 – Hulyo 22) – Niining bulana moluwat kag mapuslanong desisyon. Kinahanglang makakitag diskarte aron masulbad ang giatubang nga problema. Mangitag ekstrang trabaho aron dunay dugang nga income. Makawiwili ang dalit sa romansa. Suwerte mong adlaw ang 5, 1, 2. LEO – (Hulyo 23 – Agosto 22) – Mapukaw ang imong kadasig sa pagpaningkamot aron matuman ang imong ambisyon. Way makapugong sa imong gitinguha sa kinabuhi. Sangpit lamang sa Kahitas-an alang sa imong kabulahanan. Makigdungan ka sa paghangos. Domingo ang suwerte mong adlaw ug 8, 6, 3 ang palaran mong numero. VIRGO – (Agosto 23 – Septiyembre 22) – Niining bulana mangita kag paagi nga matapos ang proyekto sa di pa moabot ang dedlayn. Makalipay sa imong mga ginikanan ang maangkon mong kalamposan. Positibo ang imong panlantaw. Matagbawon ang romansa. Suwerte mong adlaw ang Miyerkoles ug palaran mong numero ang 3, 8, 6. LIBRA – (Septiyembre 23 – Oktubre 22) – Walay makababag sa imong gipangandoy. Panuntan mo kini sa madupoton mong kakugi. Ayaw pagpasagad sa imong panglawas. Kinahanglan nga mag-eksersayis kanunay. Makatagamtam kag talagsaong abentura sa gugma. Biyernes ang suwerte mong adlaw ug 4, 2, 8 ang palaran mong numero. SCORPIO – (Oktubre 23 – Nobiyembre 21) – Niining bulana daghan ang mosuportar sa imong adbokasya. Kinahanglan nga malikay ang kabataan sa mga bisyo. Angayng maganoy sila sa pagsubay sa tul-id nga dalan sa kinabuhi. Mainit ang romansa. Suwerte mong adlaw ang Huybes ug palaran mong numero ang 6, 5, 3.