Publication:

Bannawag - 2021-05-01

Data:

Kayatda a Tagikuaen ti Dan-aw

Contents

Ni RTC Judge JOVEN F. COSTALES (Ret.)

SALUDSOD: Dagitoy agindeg iti karaitmi a barangay, kayatda metten a tagikuaen ti daldalingdinganmi iti adun a tawen a maysa a napintas a pamuyaan a para turismo. Maysa daytoy a dan-aw iti barangaymi ngem dagiti agideg iti karaitmi a barangay a naud-udi pay a nagbalin a barangay ngem ti barangaymi, ipapilitda metten a kukuada ket impasurotda pay ketdin ti dan-aw iti nagan ti barangayda. Adda pay ketdin binangonda nga estruktura iti asidegna. Paginanaan kano. Dakami a lallakay a makaammo iti pakasaritaan ti dan-aw, nagririkami. Ngem dagiti opisial ti barangaymi, dida met kayat ti makibiang, ta dida met ammo ti pakasaritaan ti lugar. Napankami ken ni Apo Mayor ngem uray isuna, kaduana dagiti kameng ti Sangguniang Bayan, dida kayat ti makibiang. Naamirismi nga asideg met ngaminen ti eleksion ket amangan no adda mapagurada. Ania itan ti aramidenmi, Apo Hues, tapno di agawen ti karaitmi a barangay ti nasao a dan-aw? –Bumario iti Brgy. Tonglib SUNGBAT: Dagiti karayan, waig, dan-aw, daga, kukua amin ti gobierno. Ngem ti daga, mabalinmo a matagikua no kiddawem ken surotem amin a pagannurotan nga ituyang ti gobierno. Daga, kunak, saan a karayan, waig, wenno dan-aw. Dayta basta lattan panangsakup ti karaityo a barangay iti nasao a dan-aw, saan a mabalin ta adda beddeng (boundary) a masursurot. Riri iti beddeng wenno boundary dispute ngarud daytoy indatagmo a parikut. Ket gapu ta kas kalamiis met ti pul-oy ti angin iti igid ti dan-aw ti rikna dagiti opisial ti barangayyo agraman ni Apo Mayoryo ken dagiti appo a kameng ti Sangguniang Bayan maipanggep iti daytoy riri iti beddeng, asino ngarud itan ti asitganyo? Ni Apo Gobernador. Mangisaganakayo ngarud iti petision a pirmaan dagiti amin a bumarangay a kumanunong iti ilablabanyo ket idatagyo iti Opisina ni Apo Gobernador. Ikkanyo met iti kopia ti Department of Environment and Natural Resources (DENR) ken ti Department of Tourism (DOT). Iti panagkunak, mangabakkayo. Ta tinto DENR ti mapaturay ta isu ti mangkitkita kadagiti nakaisigudan a kinabaknangtayo.—O pagbiagda no bilang matumba ti ekonomia ti maysa a pagilian. Kangrunaanna, adu latta dagiti saan a makaawat a ti pandemia, mabalin nga agbayag iti adu a tawen.” “Dagiti man awan papelna a Filipino ti pampanunotemon, ania? Ken dagiti kaykayatda ti saan a deklarado a sueldo? Am-ammokan, Anton... Naasika ngem dagullitka. Apay a dimo padasen nga ipasa kadagiti sumarsaruno a henerasion dagiti Filipino a nakaadal ditoy dagiti gannuat nga inrugim ta isuda ti mangituloy? Kaykayatmo la unay a buntonan ti bagim iti problema ti sabali. Lumakaykan... tiemponan tapno aginanaka!” Tiniliw ni Fleur dagiti matak idi ibabak ti baso kalpasan ti panangigiddanko a nangitangad iti nabati a nagyanna a sangaramayan kabayatan nga agsasao. Naparupangetak. Ngem saan a gapu iti arak a tinilmonko. Agpayso ti ibagbagana. “Ken dumngegka iti ibagbagak no agsasaoak, old man,” inwitwitna ti sangadangan a baby carrot nga iggemna sa kinittabna idi gandatek a sungbatan. Laklakayan! Naruamakon iti dayta a birngasna kaniak no addaak iti apartmentna. Agpayso met. In-inaunaak iti walo a tawen ngem isuna. Nasurok metten a lima a tawen nga isu ti kangrunaan a katinnulongko iti trabaho iti opisina. “Ketdi, kas iti dati, addaak a dumdumngeg kenka. Ngem manganta pay. Pakilukatmo bassit ‘ta isaangkon ‘diay steak,” intudona ti botelia ti red wine nga adda iti panganan a lamisaan. “Ken pakisindim dagiti kandela.” Tinuyagak iti red wine dagiti dua a baso a nayabay kadagiti kuadrado a puraw a pinggan ken nasileng a kubiertos a nakadasaren iti lamisaan. Saan a nagbayag, pagsangsanguanmin dagiti insaganana a makan. Nalaing nga agluto ni Fleur. Namin-adun nga inawisnak nga umay mangan ditoy, aglalo no adu ti ileppasmi a trabaho. Pasaray paturogennakon ditoy no kastoy a Biernes. Dua ti kuarto ti apartmentna. Nasaririt a balasang ken ammona ti dumngeg. Purngiit. Dayta siguro ti gapuna a nabiit a nayasideg ti riknak kenkuana. Tinurongmi ti salas idi maikargami dagiti nangananmi iti dishwasher. Bitbitmi dagiti baso ken ti di pay nagudua a botelia ti red wine. Imparabawmi dagitoy iti lamesita nga adda iti sanguanan ti fireplace wenno paginuduan. Nagtarusanna a linukatan ti rikep ti paginuduan. Nagrukob a nangsindi iti nakunes a papel nga adda iti sirok dagiti naurnos a binalsig a pungdol ti hickory. Simgiab ti apuy ket inrikepna ti desarming a pagsungrodan daytoy moderno a paginuduan. “Ditoyka man abayko nga agtugaw, Anton.” Intudo ni Fleur ti paset nga as-asideg iti paginuduan idi gandatek ti mapan agtugaw iti maysa kadagiti armchair. Nagtungpalak. Inyabayko iti selponna a para trabaho ti selponko. Obligasionmi a patinayon nga awitmi dagitoy. “Good boy. Agasem ta ditoy laeng balayko a mabalinka a baonen!” Nagkatawa. Inyawatannak iti baso a naglaon iti wine. Nagwingiwingak. Binuyak ketdi ti panagsalasala dagiti dila ti apuy iti uneg ti paginuduan. Mariknak ti darang kadagiti pingpingko. Timmakder ni Fleur. Nagturong iti minibar nga awitna dagiti baso ken ti botelia ti wine. Idi agsubli, addan iggemna a baso a naglaon iti apagkatlo a cognac— maibasar iti panagkita ken panagangotko. Inyawat

Images:

© PressReader. All rights reserved.