Publication:

Bannawag - 2021-05-01

Data:

Pangta: Lima a Daniw*

Contents

Rene Boy Abiva

“Seest thou, the passing of the ages is like a parable/ And in its passing it may burst to flame./ In the name, then, of its awesome majesty/ I shall, in voluntarily torments, descend into my grave./ I shall descend in to my grave. And on the third day rise/ Again. ”--Boris Pasternak, Garden of Gethsemane Ti Surat ni Jana ken ni Mattarella Nakitak ti maysa a karkarna a pasamak Idi kasla billit nga immulog ti gita ti Wuhan iti Lombardy Anian ta kasla ungkay ti trigo wenno pagay A nagapas dagiti rinibu a biag iti teritorio ni Pesatori Ngem adda met nakalasat a kas ken ni Colombi Ket anian ta nariknak ti nakaro a buteng kadagiti alintatao dagiti Italiano: Agar-arimbangaw ti panagapit ni Cel iti Veneto ken Emilia-Romagna Bayat nga agkankansion ni Frebruus iti trahedia Ken isursurat ni Corvus ti paltiing ti sumaruno a gasat. Iti Bogota Ti bagnos iti ulo Iti pada ni Bolsonaro Makuna a paraiso Ti bantay ti nalaylay A tattao. Ti Angol Ania kadi ti tangatang a makuna No ti igid ti baybay ket bunton Ti dapo ken tapok ti lubong A kininnit inukas Ti nauyong nga arabas? kaab-abayna ket inlagana dagiti ramayna kadagiti ramay daytoy. Tinaliawna ti asawana. Immisem laeng ni Mao a nangpaludip ken ni Ms. Clancy. Saan a nagtimek. “Adda kinaubingak idiay Hawaii a nadekket kaniak. Maibilang siguro a girlfriend-ko no addaak sadiay. Ngem idi agawidkami ken mom tapno risutenmi ti banat, naduktalak a saan a nagbaliw ti riknak. Napatpateg ni Mao nga adayo. Pinarigatnak ni baketko.” Saan a naglibak ni Marlon nupay international program for indigenous women ti kangrunaan a sakupen ti opisina. Mangnamnama a maawatanda. Iti Montreal, Quebec ti international address ti opisina. Adda kabukbukodanda a medical facilities para kadagiti empleadoda ken klienteda aglalo kadagiti biktima iti violence against women and children. Nangato ti sueldo ken allowance. Segun ken ni Ms. Clancy, adu ti aplikante ngem awan ti naggapu kadagiti mismo a patneng a babbai ti nakaragpat iti nangato nga standard ti opisina. Nairanrana laeng ti panagkikitada idiay Sagada a nakaaramidan ti honeymoon da Marlon ken Mao. Ti Batibat Nakitak ngarud ti maysa a kabalio A bumalballasiw iti agdardara a karayan Guyguyodenna ti maysa a pattuki A napunno iti saan mabilang nga ulo Dagiti natay a soldado Bayat nga iti tangatang ket kasla tapok A mapumpunas dagiti bituen karaman Dagiti planeta, layap, ken kometa Bayat nga iti let-ang a pinarsua Ni Allah ken ti Dios ti Tribu ni Judah, Agan-anasaas ti saan a nakappapati A pakauna ti nakaro a didigra. Ti Aporismo Idi putdem ti dila Ti mannaniw ken ti saniatana Impagarupmo no nalpasen Ngem nalipatam A ti gemgemna gayam Ket adayo a natadtadem Ngem ti pluma Nga isu ti pinatim. Ti Kararag Kontra iti Apokalipsis O Santa Corona Santipikado a patron ti gasat Nga impapatay ni Aurelius ti Roma-Syria Iti puon ti palma Denggem koma Dagitoy nga as-asugmi Ita ken iti oras ti ipapataymi, Amen. --RENE BOY ABIVA *Pammadayaw a Gunggona, Salip iti Daniw 2020 ti GUMIL Oahu NASARANGSANG ti katkatawada a lima iti kasera da Victor ken Marla idi sumangpet dagiti agassawa. Impadamagda ti naggapuanda. Uppat a kuarto ti bunggalo nga up-upaan da Victor ken Marla. Dua dagiti agkaskasera a taga-Abra met laeng ngem dida pay simmangpet. Estudiante met laeng dagitoy iti Saint Louis University. “Inton rabii no bigat ti luasmi. Agpasiarkami pay iti aldaw,” kinuna ni Marlon. “Agdespedidaka ditoyen, Marlon. Siak ti mapan makitienda. ‘Mo,” intaya ni Ginay ti dakulapna ken ni Mao. “Kaduaenka,” imboluntario met ni Marla. “’Tay awan ‘diay Abra ti gatangenmi, plus red wine.” “Champagne ti alaenyo,” kinaut ni Marlon iti petaka ni Mao manipud iti belt bag a nakaparabaw iti lamiseta. Paella ti lutuen ni Marla. Kadakuada nga agbabarkada, ni Marla ti nalaing nga agluto. Isu ti kaanusan a mangosina kadakuada a tallo a babbai. “’Ka alaen ‘tay girlfriend-mo, Victor, ta maamammomi met a nasayaat,” insingasing ni Marlon. “Ania ti naganna itayen?” “Sarina,” insampitaw ni Marla. Nakasukatdan ken Ginay a mapan makitienda. “Sangsangpetna manipud ‘diay Manila,” insungbat ni Victor. “Padasek nga awisen.” “Awisen? ‘Ka alaen tapno mairuam kadatayo,” kinuna ni Mao. “No awankayo, sigurado nga insurotna ni Victor. Maar-aringan daytoy nga aktibista,” impadamag ni Marla. “’Kayon, amangan no marabiyankayo a mapan makitienda numona ta kaska la kuton. Kasaritam amin a masabatmo,” indagdag ni Victor. “’Imbag ta dika nagaktibista met ket UP ti yanmo?” Nalagip ni Marlon daydi kinuna ni ulitegna idi damo a mapanda idiay yan da Mao. Mao Tse Tung kunana idi. “Diak masango. Nagrigat la ngaruden ti agbasa, nayonak pay laeng iti extra activities? Amangan no diak mairuar dagiti subject-ko. Ken amangan no paltogan ni uncle ti ulok.” Ti ulitegna a PMA-er ti kayat a sawen ni Mao. “Awan man la ti nangawis kenka kadagiti seat-in ken grupogrupo?” inamad manen ni Marlon. “Idi, a, umuna a tawenko. Simmursurotak laeng met. Ken warwarningannak ni uncle,” impudno met laeng ni Mao. “Depende met laeng iti bukod a panagkita kadagiti issues ken mapaspasamak iti aglawlaw,” inkalintegan ni Victor. “Narigat ti sumrek kadagita a banag. Makasinga iti panagbasa.” “Huwag ka nga!” Naglibbi ni Mao. “Tawagam ni Sarina. Dida pay nagam-ammo ken Marlon.” “Sige, bulodek ‘ta luganyo. Mayat nga umay.” Insarang ni Victor ti selponna. Adda text ni Sarina. “Oy, aguraykayo ta idagaskayon idiay tiendaan,” kinunana kada Marla. “Papanam?” Nagbannikes ni Marla. Agur-urayda ken Ginay iti taksi iti sango ti kaserada. “Agpraktiska ‘ti aramidem no sumangpet ni Sarina?” Nagkatawa ni Ginay idi makitana ti pananglapigos ni Victor ken ni Marla a nagtugaw iti abay ti drayber. “Dimo pagay-ayaman ni Sarina amangan no agririda ken Victor. Saan a ni Freddie daydiay.” Nagkatawa ni Marlon a nakatakderen iti abay ti lugan. “Sika laengen ti awan ti mayam-ammona kadakami ken Mao.” “Mamatikayo! No asino ti aglanglanggong, isu ti adu ti ilinglingedna,” imbales ni Victor. Ngem saan a nasleg ni Sarina. Nalaing a makipulapol. Ad-adda a ni Mao ti makantiawan ta awan ti ammona a mangosina. Tinulonganna ni Sarina a mangisagana iti vegetable salad a nayon ti seafoods a pagsasanguanda. Nataytayag bassit ngem ni Marla ni Sarina. Nalaing nga agkatawa. In-inauna ngem ni Victor iti dua a tawen. Manang ti awag dagiti agbabarkada kenkuana. “Mangibingaykayo met, a, iti dayta sangsanguenyo,” intaliaw ni Sarina kada Victor ken Marlon nga umin-inum ti white wine iti salas. “Ops! Sorry, nalipatanmi.” Tinuyagan ni Marlon ti maysa a baso ket indissona iti sango ni Sarina. Sa kinunana ken ni Mao: “Sorry, baket, awan ti innalada a gin.” “Adda balonko,” insungbat ni Mao. “Victor ‘ka alaen idiay kuarto.” “Pangngaasim, Victor. Kumabil dayta no mabartek,” inyatipa ni Marlon. Nasarangsang ti katkatawada nga agaangaw. Nayaw-awan ti panggep ni Mao a mangintebiu ken ni Sarina. TENGNGA ti rabii idi sumangpetda iti Maginhawa. Nakaturogda a dagus ngem nasapa met laeng a nagriingda ta check-up ni Mao. Segun ken ni Dr. Clemente, normal ti panaginawna. Awan makita a problema. Nupay kasta, tsek-apenna manen sakbay a mapan idiay Montreal. Imbalakadna a mangan latta kadagiti nasustansia aglalo iti nateng. Liklikanna dagiti makan nga adu ti asukarna. “Awan ti dakes ti virgin coconut oil, saanka la ketdi nga agsarua,” kinuna ti doktor. Nagawidda met laeng a dagus kalpasan ti panangkasarita ti doktor kadakuada. Nagmulagat ni Mao idi aguni ti selponna a nakaparabaw iti tokador. “Ms. Clancy…” Inyawat ni Marlon ti selpon. “Nakaruarak koma, apo,” intanamitim ni Mao. Imbasana ti text. “Be adviced to visit the office as soon as you have time for briefing.” “Wow, honey, dimo met imbasa amin.” Innala ni Marlon ti CP ket isun ti nangbasa iti dadduma. “Bring with you the following documents: Barangay clearance, police clearance, genealogy statements from the NCIP. Congratulations!” “Dumaw-asak inton makaalaak kadagiti docs,” inkeddeng ni Mao. “Panagkunak, makasarunoak a dagus. Company’s expenses! ‘Gasem dayta?” “Dita la ket makapagkuyogen…” Inawid ni Mao ti ulo ni Marlon agingga a nagsabat dagiti bibigda. “Marigatannak nga agpakada,” kinuna ni Marlon. “Nakurang a dua a bulan nga addaak ditoy dennam. Ita, umadayoak manen.” “Nasayaatto laeng inton makapagsimpata. Saanmo a rigaten tapno nasayud ti yaadayom. Sumarunoak met,” inyandingay ni Mao. Dina ipadpadlaw a nadagsen met laeng ti barukongna. “Kasano dagiti rabii nga awanka iti abayko?” “Mangalaka ti giant panda nga stuffed toy ta isu ti kaidda ken kepkepam.” Imlek ni Mao. “Impadawatmo met ngamin ti inted ni Liza, isu koma ti alaem.” “Ti la patpatangem a pagsaksakitan ‘ta nakemmo. Diak pay kinepkepan idi, ita la ketdin? Gumatangak laengen ‘ti dakkel a pungan. Drowingak ‘ti sinantao ta ipigketko ti ladawanmo iti rupana.” “Kunam la dayta, a.” Naglibbi ni Mao. “Kasla agparparikna kaniak nga adda pay sabali a Liza idiay Montreal. Kitaem, a, ta awan ti masangpetak no umayak.” “Ti la lablabiden dayta a ngiwat…” Inagkan ni Marlon dagiti bibig ni Mao tapno sumardengen nga agsao ken mangsutil. Napunas ti liday ken sikor ni Marlon kadagiti simmaruno a gundaway. Nairidepda idi agangay. Bimmangon idi makarikna iti bisin. Saanda a nakapangaldaw ta nakaturogda. Nakaluban iti komedor ti nakadasar a makan. “Mangankan. Sika laengen ti di nangaldaw. Nalpasen ni Mao. Bimmaba itay. Nakaturogka kano,” kinuna ni Vilma nga agbuybuya ti drama iti telebision. “Saur talaga daydiay. Dinak man la riniing,” indayamudom ni Marlon. “Rimmuar ni adingko?” “Addada ken Freddie dita likud. Rummurda kano no madamdama.” “Apagisu ta isuda laengen ti mapan mangala kadagiti paw-it idiay Dominion. Nagaramidda ‘diay Manabo ‘ti suman ken patupat a yawidko.” Kabigatanna, nagmalemda a nangisimpa kadagiti gargaret ni Marlon. Parbangon ti panagluganna ti eroplano. Masapul a dua nga oras sakbay ti flight, addan idiay airport. Da Ginia ken Ginay ti kadua ni Mao a nangitulod ken ni Marlon iti airport. Planoda nga agawiddanto idiay Abra iti rabii tapno awan ti trapiko aglalo ket adu dagiti matartarimaan a kalsada iti Ilokos. Madama pay a tartarimaanenda ti rangtay idiay Candon. “Mao…” Inagkan ni Marlon ti muging ti asawana. Nagbabasa dagiti matana. Nagabayda a nakatugaw iti waiting area. “Irugim ti kasta, ta kitaem no di agdung-aw ken agkulisadsadak ditoy.” “Gameng, sumarunokayo ken mama, ha? Dimo parparigaten ni mama.” Inaprosan ni Marlon ti tian ni Mao. “Kumpetka a nalaing tapno makasurotkayo a sigida. Agur-uray ni papa idiay Montreal.” Ikarkarigatan ni Mao a tipden dagiti tumrem a luana. Mariknana ti liday iti panagsubli ni Marlon idiay Canada. Dandanin ti oras ti iseserrek daytoy. Nai-check-inen ti dakkel a maletana. Ti laeng panakkelen nga sling bag ti awitna. Nakasalapay ti blazer-na iti luppo ni Mao. Di ammo ni Marlon, indulin ni Mao iti makotona ti dua a t-shirt ti asawana a di pay nalabaan. Napia la nga ang-angotenna ti aglaok nga angot-ling-etna ken ti bangbanglona no mailiw unay. “Flight 5041 Canada Air to Montreal now boarding,” naiwaragawag iti public address system. “Flight 5041 Canada Air to Montreal now boarding…” “Flight-ko daytan. Kinse minuto pay,” kinuna ni Marlon. Adu kadagiti nakatugaw iti waiting area ti nagtatakder ken agpipinnakada a kas kadakuada. Adda agiinnarakup ken agiinnagek. Adda aglulua. Adda met dagiti agkakatawa. “I will miss you, Mrs. Burnett.” Inaklilian ni Marlon ni Mao. “Always take care of yourself and Gameng, please. Nagtung-ed laeng ni Mao a nagdumog iti tengnged ni Marlon. “Bakasion ti ay-ayam ti tennis ken gym, okey? Awan pay laeng ti agmotor,” imbilin ni Marlon. Iti maikadua nga awag ti ilulugandan iti eroplano, inagkan ni Marlon ni Mao. Nairut ti panaginnarakupda. Naminsan pay a naginnagekda. “Dimo liplipatan ‘tay gatangem no sumangpetka,” kinuna ni Mao nga immibbet. “Bolol nga i-Peñarrubia!” Ginuyod ni Marlon ti asawana ket inagkanna manen. Ikarkarigatanna a tipden ti luana. Naulit ti waragawag iti public address system. “Maikatlo nga awag daytan, inkan.” Inapiras ni Mao ti rupa ni Marlon. “I love you. Take care, darling!” “I love you, honey. Urayenkayo ken Gameng…” Pinagunianna da Ginia ken Ginay. Ginuyodna ida iti linia dagiti sumrek ket inapungolna ida. Siniputan da Mao ti iseserrek ni Marlon agingga a nailinged. Nagtugaw ni Mao ta kasla aglulok dagiti tumengna. Nagtugaw met da Ginia ken Ginay iti abayna. “Are you alright, manang?” Inyawat ni Ginia ti naibotelia a danum nga iggemna. “Agyamanak.” Intangad ni Mao ti danum. Mawaw unay. Kalpasan ti sumagmamano a minuto, timmakder ni Mao. Nagkukuyogda a rimmuar iti desarming a waiting area. Nagderetsoda iti nakaiparadaan ti puraw nga SUV a luganda. PARBANGON a simmangpetda iti Dumayco. Indagas ni Mao ni Ginay iti balay daytoy iti likud ti simbaan. Nasangpetanna a nakalukat ti silaw iti umuna a kadsaaran ti balayda. Ammona a padpadaanan da Panabang ken Lagmani. Inteks ni Ginay nga asidegdan itay addada iti usok idiay Tangadan. Nagbosina. Ni Panabang ti nangilukat iti ruangan a landok. Inderetso ni Mao ti lugan iti abay ti traktora iti garahe. “Bay-am dagitan ta siakon ti mangiserrek,” kinuna ni Panabang idi iruar ni Mao ti dakkel a makotona iti akinlikud a tugaw. “Ania nga oras a nagrubuatkayo ‘diay Manila?” “Dandani alas dies, ammang. Lima nga oras laengen ti biahe no awan ti trapiko. Nagsinnublatkami ken Ginay a nagmaneho.” Binitbit ni pizza a pasarabona. Nagsarunoda nga agama a simrek iti balay. “Nabisinak man, innang.” Impapudot ni Lagmani ti kamanokan a linutona idi rabii. Nasagpawan iti papaya. Inkapeda met nga agassawa ti pizza. “Kasano ti tsek-apmo?” inamad ni Lagmani ken ni Mao. “Normal met, ‘nang. Ad-adda a malem a mariknak ti panagrurusokko. Medio agdul-okak ngem sigida a maawan no makatomarak iti lana. Bareng koma no agpatingga laeng a kasta.” Saan a dagus a nakaturog ni Mao. Maikawa unay iti kaawan ni Marlon. Kinitana ti oras. Apaglabes nga alas kuatro iti parbangon. Sangapulo ket maysa nga oras nga aglaylayagen ni Marlon iti tangatang. Uppat pay nga oras sa sumangpet idiay Montreal. Ita laeng a maaddaan iti panawen a mangamiris iti tinaray ti biagna manipud simmangpet ni Marlon iti biagna. Napardas unay dagiti pasamak. No nagkitada ngata ken Marlon ket nagam-ammoda idi damona ti umay kasano ngata ti tinaray dagiti pasamak? Siguraduenna a natnag met laeng ti riknana iti daytoy gapu ta naanus ken manangasikaso. Ti bagina ti kalabanna gapu iti panagrebrebeldena iti tani. Matungpal man ti tani saan a kastoy ti kadarasna. Binidingbidingna ti aritos ni Marlon nga inted daytoy kenkuana idi agpapaungar idiay Laguna. Diamante a pakalaglagipan kano ni Marlon idi napanda nag-field trip iti maysa a pagminasan idiay South Africa. Naimontar ti diamante iti balitok. Rantana nga ikabil iti balitok met laeng a kuentas a naggapu idiay Agamid, Tineg; 22K daytoy nga agdagsen ti 5 a gramo. No saan isuotna iti bangir a lapayagna a kas ita. Inikkatna dagiti kadaanan nga aritosna. Inngatona ti imana ket sinirpatna ti wedding ring ken engagement ring iti ramayna. Insangpet ni Marlon idi agsubli manipud Canada ti engagement ring. Insuot daytoy iti ramayna a kinagiddan ti sangaaruy-oy a batek a nabaliwanen ti ubonna iti napino ti linabagna a platinum. Itay warwarenna dagiti lupotna iti travelling bag, nakitana ti cologne ni Marlon a nailaok iti dua a paris a kamiseta ken short pants. Inkabil siguro met laeng ni Marlon. Awan met dagitay T-shirt a lawlaw nga ususarenna a pagturog ken ti bangbanglona, agraman ti short pants ken pantalon a camouflage nga inted ti ulitegna a PMAyer a saan a nakaatendar iti kasar gapu ta adda iti sabali a pagilian. Maturog koman idi agkanta iti “Perfect” ni Ed Sheeran ti selponna iti rabaw ti tokador. Ginaw-atna daytoy. “Hello!” Insalpakna ti earphone iti lapayagna. “Hi, honey! I miss you.” Nakalawlawag ti boses ni Marlon. “Nakaawidkan iti Peñarrubia?” “Simmangpetkami itay alas tres. Saanak a makaturog. Maikawaak unay. Nakasangpetkan?” “Nag-stopover-kami ditoy Toronto. Tallo nga oras pay sa makadanonkami idiay Montreal. Ania ti araramidem ngaruden?” “Moonlighting.” “Dika unay agpuypuyat. Kuna ti doktor a nasken a makompleto ti walo nga oras a turogmo iti inaldaw,” impalagip ni Marlon. “Kumusta ni Gameng? Kanayonem a kasarsarita tapno saan nga agbalin a nasukir.” “Pagkatkatawaek pay, a. ‘Dad’toy nga agel-ellek, denggem.” Nabayagda a nagsarsarita. Nagsardengda laeng idi agsublin ni Marlon iti uneg ti eroplano. Naturog metten ni Mao, kepkepna ti pungan a binaduanna iti T-shirt ni Marlon. Nagkariing nga agkalkalimduosan. Narusep ti pagturogna a labonglabong a T-shirt. Saanna nga inlukat ti aircon ta parbangonen itay agidda. Alas saisen iti bigat. Tumakder koma ngem maulaw. “Innang!” impukkawna. Ginaw-atna ti selponna sa inawaganna ti inana. “Maulawak a bumangon, ‘nang,” kinunana. Maar-arikattot ni Lagmani nga immuli iti maikadua a kadsaaran. Manarimaanda nga agkapkape ken Panabang iti komedor. Pinapigsa ni Lagmani ti aircon sa nagdardaras met laeng a nagsubli iti kosina. Addan iggemna a thermos ken tasa idi agsubli. Pinainumna iti apaganem-em a danum ni Mao, ken pinunasanna ti rupa agingga iti tengnged daytoy. “Talaga a kasta ti aginaw, nakkong. Awan ti mariknam a nasakit dita likud kada patongmo?” “Awan met, innang. Maulawak laeng a bumangon.” Nakaturog manen ni Mao idi agkalma ti riknana. Inulsan ni Lagmani iti napuskol ta nakalamlamiis ti aircon. “No kaano a nasibet ‘ta asawana, sa kumaro ti inawna,” kinuna ni Lagmani idi agsubli iti kosina. “Napia no makasaruno idiay Canada no kasta.” “’Nia ti gapuna a mapan no dina kabaelan? Awan pay kaduana. Mapanto no malpas nga aginaw,” inkeddeng ni Lagmani nga agtantanabutob. Dandanin pangngaldaw idi makariing manen ni Mao. Awanen ti karkarna a mariknana. Nagtarusanna ti napan nagdigos ta agatling-et. Sinitarna ti bagina idi makastrek iti banio. Mangrugin nga agngisit dagiti dua a gerger iti tengngedna, agraman kilikili ken sellangna. Impaspasigud ni Dr. Clemente dagitoy a panagbalbaliw isu a naisaganana ti panunotna kadagiti amin a madlawna iti bagina. “Nasayaat ‘ta riknamon?” inamad ni Lagmani idi umulog. “Mayat manen, ‘nang. Kasano payen no binigat a kastoy?” Nagtugaw ni Mao iti sango ti lamisaan. Pinakbuanna iti napudot a danum ti tasa nga addaan iti tsaa. “Immawag itay sakbay ti alas dies ni Marlon. Sangsangpetna kano iti balayna. Naimas met ti turogmo isu a dina kayat a riingendaka. Impadamagko ‘tay napasamak.” “Dimo koma imbagbaga ta di madanagan.” Pinespesanna ti tsaa iti kalamansi. “Amin a banag a mapaspasamak iti asawa, pakaragsakan amin ti asawana a maammuan. Kunana pay ketdi, a, nga isuratmo amin ta basaenna.” Dandanin malpas a mangan ni Mao idi agkanta ti selpon iti Perfect. Napaisem a nangisalpak iti earphone iti lapayagna. “Hi!” “Kuna ni innang a madi ti riingmo itay bigbigat.” “Mayat manen. ‘Tay puyat ken bannogko siguro a nagbiahe ‘su nga agreklamo ni Gameng.” “Nagloko ni Gameng, a. Nasibetak laeng, parigatennaka metten.” “Adu payen ti ngisitngisitko, itay laeng a nadlawko. Nagadu a bagas-ling-et iti bukot ken barukongko. Naggatel agraman tianko. Inuraydan sa laeng a makapanawka sa nagtaudda.” “Dimo kudkudkoden tapno di aglemma. Dinto ket mainayon kadagiti burikmo.” “Dikan sa met matmaturogen. Nakainanakan?” “Rabii ita ditoy. Ag-adjust-ak manen iti panagturogko ta nairuamak met ditan. Uppat pay nga aldaw, klasemin.” “Masikorannak nga awan ti ar-aramidenna. Mapanko itulod ni Ginay idiay Vigan inton bigat.” “Saanka unay nga agpaspasiar baka no ania ti mapasamak iti dalan.” “Daytoy ti pakaikawaak unay. Awan ti kaduak ditoy, agbasbasada amin. Kas ita, duduakami ken innang nga agsangsango.” “Agyamanka ta adda innang a kasangsangom, ngem siak ditoy… daytoy laeng pungan. Awan pay atiddog a kasla ‘diay am-ammok. ‘Man ta kuddotek laengen.” “Tiweng ay i-Manabo nauy!” Nabayagda manen a nagin-innistoria. Saanda a nagsardeng agingga a naibus ti load ti selpon ni Marlon. Napasennaay ni Mao. Kapampanaw laeng ni Marlon ngem kasla didan masbaalan ti iliwda. Dandani met ketdin sumaruno ken ni Marlon. Ngem kasano ngatan no agbayag pay? (Maituloyto)

Images:

© PressReader. All rights reserved.