Publication:

Bannawag - 2021-05-01

Data:

Wen, Manang, Mangrugi iti Pagtaengan

Contents

Ni ROVELYN C. BARANDOC

“SABSABALI itan dagiti ubbing!” Masansan a mangngegtayo dayta gapu iti kinaalikuteg itan ti adu nga ubbing. Kasla pay ket ngaminen awan disiplina dagiti ubbing itan ta naturedda a mangibaga ken mangaramid iti kaykayatda. Dagiti kakastoy nga ugali dagiti ubbing ti maysa kadagiti kangrunaan a parikut dagiti mannursuro. Narigrigat la ngamin a matarabay dagitoy nga ubbing iti panagadalda no kastoy ti ugalida. Adu a nagannak ti mangnamnama nga iti eskuela wenno kadagiti mannursuroda a masursuro dagiti ubbingda dagiti tagipatgen wenno dagiti nasasayaat nga ugali wenno galad. Ngem saan a mabalin daytoy ta ti akinkangrunaan a responsibilidad iti daytoyket dagiti mangpatpatanor a mismo kadagiti ubbing. Mangrugi iti panagubing ti pannakasursuro kadagiti tagipatgen. Ti ugali ken personalidad ti maysa a tao, namuli babaen dagiti ugali ken gunggunay dagiti tattao a mangpadpadakkel kenkuana, dagiti man nagannak kenkuana wenno dagiti kakabagianna a kadendennana. Iti sabali a pannao, no ipakita dagiti nagannak wenno dagiti agay-aywan babaen ti aramid dagiti ibagbagada kadagiti annakna, natibtibkerto ti personalidad dagiti ubbingda. Inton makipulapoldan kadagiti padada nga estudiante, mangruginton a mariknada dagiti karit ti kagimongan ken ti karit dagiti galad manipud kadagiti estudiante a maiduma kadakuada. Masubok no kuan ti tibker dagiti tagipatgen a nasursuroda kadagiti nagannakda. Kas koma no iti pagtaenganda ket nasursuroda ti di makirirriri, liklikanda met no kua ti makirirriri no addada iti pagadalan uray pay karkaritenda ida dagiti dadduma a kaeskuelaanda. Mabalin a tarabayen dagiti mannursuro, dadaulo, ken dadduma pay nga empleado ti eskuela dagiti ubbing ngem kas nakunan, saanda a masuktan ti pagrebbengan dagiti mismo a nagannak ken mangay-aywan kadagiti ubbing. Maysa pay, saan met a kas karina a masursuro wenno masagepsep dagiti tagipatgen ta pangngeddeng daytoy a mismo ti masursuruan; gunggunay dagitoy a tagiragsaken nga ikeddeng a patien ken suroten ti tunggal maysa. Mabalin ti amin ti mangsurot kadagiti maar-aramid iti aglawlaw a kontra iti pagayatanda, ngem ti tagipatgen kanunonganna ti bukod a pagayatan ti maysa a tao. Dagiti agak-akem a mangidaulo iti biag ti maysa a tao isuda dagiti kabibilegan a mangipakita ken mangipaneknek kadagiti tagipatgenda iti sabsabali. Ket isuda dagiti nagannak, in-inauna a kakabsat, aapong, dadduma a kakabagian, mannursuro, kapulpulapol a daydayawen ti amin, ken dagiti among. Nupay kasta, tapno maipakita ti ania man a banag, nasken nga adda iti ikut daytoy. Maipakita ken maipaneknek laeng dagiti tagipatgen kadagiti inaldaw nga ug-ugali ken gunggunay. Isu a dagiti nagannak, kangrunaanna, masapul nga ipakitada kadagiti ubbing nga aywanda nga addada a kas pagtuladan kadagiti nasayaat nga aramid.—O (Agpapaay ti autor nga School Principal 1 iti Niug Elementary School, SDO Cagayan.) Gapu ta diak latta makasarita ti nangpaikkat iti naganko, dagus a nagsuratak iti opisina ni Presidente Aquino ket inludonko dagiti papeles ken listaan dagiti opisial nga inaprobaran ti BFSA a para iti promosion, kadua ti naganko. Kalpasan ti dua a lawas, inawagannak ti Malakanyang a nangibaga a naaprobaranen ti promosionko a Chief of Mission II (Ambassador Class II). Ngem saan a nagpatingga dita ti kalbariok. Simmaruno a naawatko ti Assignment Order-ko. Agpaayak kano a Konsul iti Konsulado Heneral ti Filipinas iti Toronto, Canada. Iti panagkitak, saan a nasayaat nga addang. Ti ranggok ket maysan nga Ambassador. Diak inawat. Nalawag nga insulto. Ket kinasaritak ti gayyemko nga Ilokano ken Ambassador ti Filipinas idiay Ottawa. Indiayak ti bagik a no mabalin, alaennak a Deputy. Tallo nga aldaw kalpasanna, naalakon ti Assignment Order-ko nga agserbi a kas Deputy Head of Post, Executive Officer, ken Political Officer ti Embahada. Naminduaak pay a nagserbi a Charge d’ Affaires, a.i., ti Embahada. Nalaglagipko dagitoy bayat ti panangbasbasak iti salaysay maipanggep ken ni Johnny. Nagasat ni Manong Johnny ta natalinaay a pimmanaw iti sidong ti pamilia a nangipatpateg kenkuana. Diak malipatan daydi naitulongna kaniak idi tinarabaynak tapno makaputarak iti maysa a sarita. Ken inkarigatak ti nagbiag nga addaan iti integridad a kas iti prinsipiona. Idi kaub-ubingak pay ken agpapaayak a Konsul idiay Guam, USA, nagbakasionak iti Filipinas. Sinarungkarak ni Manong Johnny nga agserserbi idin a Managing Editor ti Bannawag (adda idin ti opisinada iti Pasong Tamo, Makati). Inyawatko ti regalok kenkuana a wall clock a simbolo ti kinaababa ti panawen a panagbiag ti tao ket ngarud aramaten koma ti tao daytoy a para iti pakaidayawan ti Dios.—O (Nagretiro iti serbisio iti gobierno ni Ambassador Abraham Reantillo Estavillo (Abe kadagiti kasingedna) idi Nobiembre 13, 2013 a panawen ni Department of Foreign Affairs Albert F. Del Rosario. Agtawen iti 72 ken agnaeden ken ti pamiliana iti Quezon City.--Editor)

Images:

© PressReader. All rights reserved.