Publication:

Bannawag - 2021-05-01

Data:

Kendi a Singkamas

Miks & Tiks

(Kas met laeng iti panagaramid iti Kundol Candy) Dagiti ramen: 1 kilo a singkamas 1 kutsarita ng apog (irunaw iti 2 agingga’t 3 a tasa a danum wenno agingga a matinep) 750 gramo a puraw nga asukar 1 kutsarita a lemon/calamansi juice Panangisagana: 1. Ukisan dagiti singkamas. Bugguan a nasayaat. 2. Galipen iti kayat a kadadakkel (kubiko wenno stick) 3. Tudoken iti tenedor wenno ania man a natirad a banag. 4. Ikabil dagiti nagalip a singkamas iti dakkel a paglutuan. 5. Inayon ti lime solution. Ipaburek iti 10 agingga’t 15 a minuto wenno agingga nga agbalin a translucent dagitoy. 6. Adawen. Paubosan a nasayaat. Bugguan iti agayayus a danum. Pamitluen a bugguan. 7. Paglaoken ti asukar ken 1 tasa a danum. Ipapudot agingga a marunaw ti asukar. 8. Inayon ti lemon juice. 9. Alay-ayan ti apuyna. Inayon dagiti singkamas. 10. Ituloy nga iluto agingga a lumukneng dagiti singkamas ken mamagaan ti sugar syrup. 11. Adawen. Ikkaten dagiti singkamas iti pariok wenno ania man a paglutuan. Ikabil iti tray. Pabaawan. 12. Isupot ken ikkan iti label. (Pammadayaw dagiti SOA enrollees ti MMSU ti naaramat a ladawan.)

Images:

© PressReader. All rights reserved.