Publication:

Bannawag - 2021-05-01

Data:

ADING KOSINERA

Miks & Tiks

Ni MERCY R. GAÑO

PADASENTAYO man met ti agaramid iti Halaya a Kamote wenno Halaya a Kamotig ken Kendi a Singkamas. Insuro ni Ms. Fairie Ann Domingo manipud iti College of Industrial Technology (CIT) ti Mariano Marcos State University iti Siudad ti Laoag dagitoy kadagiti estudiante ti School-on-the Air a programa ti MMSU. Halaya a Kamote/Kamotig Dagiti ramen: 2 kilo a kamotig 1 lata a gatas ebaporada 1 lata a gatas kondensada 50 gramo a butter 1 kutsarita a vanilla Panangisagana: 1. Bugguan a nasayaat ken ilingta dagiti ti kamotig (kamote wenno kaong). Ukisan. 2. I-mash wenno i-blender. Paglaoken ti gatas nga ebaporada ken kondensada agraman ti vanilla. 3. Lutuen iti nakapsut nga apoy. Kanayonen a kiwaren agingga a pumalet ken tapno di dumket iti pariok. 4. Inayon ti butter. Ilaok daytoy agingga a marunaw a nasayaat. Itultuloy a lutuen iti 2 agingga iti 3 a minuto. 5. Adawen. Ikabil iti packaging container. 6. Kaluban ken ikkan iti label.

Images:

© PressReader. All rights reserved.