Publication:

Bannawag - 2021-05-01

Data:

Nangyalat iti Pammadayaw ni Samantha

Miks & Tiks

NAKORONAAN ni Samantha Bernardo a kas 1st Runner-up iti Miss Grand International 2020. Ti pannakabagi ti Estados Unidos ti nakoronaan a reyna, idinto a naggapu met iti Guatemala, Indonesia, ken Brazil dagiti dadduma pay a runner-up. Karagupen ni Samantha kadagiti kas kada Elizabeth Clenci ken Nicole Cordoves, a nangabak a kas second-runner up idi 2017 ken first runner-up idi 2016, kas panagsaganadda, iti Miss Grand International. Nakaay-ayat ti panangabak ni Samantha ta sinuktanna laeng ni Aya Abesamis a maitutop koma a pannakabagi ti pagilian. Saan a napalubosan ni Aya gapu iti pagalagadan a mainaig iti edad. Pagimbaganna, kadagiti pre-pageant a kompetision, ni Samantha ti makuna a magusgustuan dagiti fans. Naynay a makaal-ala kadagiti nangangato a botos a kas iti salip iti panagsuot iti swimsuit ken iti national costume. Daksanggasat laeng ta agingga ita, awan pay ti Filipina a nakasukdal iti korona a Miss Grand International.—O

Images:

© PressReader. All rights reserved.