Publication:

Bannawag - 2021-05-01

Data:

Nagasat ni AJ

Miks & Tiks

Ni REGGEE BONOAN

WEN, nagasat ni AJ Raval ta kalpasan ti pelikulana a “Paglaki Ko, Gusto Kong Maging Pornstar,” naipabuya met iti panagtapos ti napalabas a bulan ti baro a pelikulana a “Death of a Girlfriend.” Malaksid kadagitoy a pelikula, karaman pay iti teleserye nga “FPJ’s Ang Probinsyano” a karaman iti love triangle a kaduana da Geoff Eigenmann ken Jane de Leon. Nupay wholesome ti karakter ni AJ iti nasao a teleserye, maibilang a sexy star ta naipasirpatna ti kinaseksina iti “Paglaki Ko, Gusto Kong Maging Pornstar.” Sa adda impaskilna a makayuguyoy a ladawan iti IG account-na. Ti adatna, inakona a saan a nagustuan ti amana a ni Jeric Raval ket pinaikkat ti amana ti nasao a ladawan. Tinungpalna ketdi ti dawat ti amana. Inako pay ni AJ nga estrikto nga ama ni Jeric. Iti sabali a bangir, dinayaw ni Direk Yam Laranas a nangidirehe iti “Death of a Girlfriend” ni AJ ta awan ti arte-arte daytoy ken saan a nagalangan kadagiti eksenada ken Diego Loyzaga iti nasao a pelikula. Adu ti masmasdaaw no asino ti sangkaibaga ni Ivana Alawi nga “ex” wenno sigud a nobiona. Wen, ta nadakamatna daytoy iti maysa nga episode ti vlog-na a naginum daytoy. Idi naulawen, immuna nga inkeddengna a mangted iti kuarta kadagiti viewers-na. Sa kalpasanna, imbagana iti inana nga awagan daytoy ti dati a nobiona. Salsaludsoden la ket ngarud dagiti minilion a viewers-na no asino ti ‘kaeg’ a lalaki. Wen, kaeg ta insinana ti maysa nga Ivana Alawi. Di ngamin?—O

Images:

© PressReader. All rights reserved.