Tips

AGTUNOKA LATTA ITI KARNE?

Adda dagiti panagadal a mangipaneknek a ti panagtuno wenno panagbarbekiu (panagletson) iti karne iti nangato a temperatura a pakaigapuan ti mabalin a kaadda ti nakset wenno ngumisit a paset ti karne ket mabalin nga agpataud kadagiti kemikal a mabalin met a makapataud iti kanser. Maibalbalakad nga agtuno wenno agbarbekiu iti karne ti kalalainganna ti kangatona a temperatura ken patinayon a balibalitaden ti lutuen a karne. Babaen itoy, maliklikan ti pannakakset ti lutuen ken agbalin daytoy a marisbalitok wenno light brown no maluto. No adda man dagiti paset a nakset, maibalakad nga ikkaten daytoy a saan ket nga iramraman nga isakmol.