Ni Andrea Meza ti Mexico ti Miss Universe 2020

NI Andrea Meza ti Mexico ti nakoronaan a Miss Universe 2020 itay nabiit. Inatiwna ti nasurok a 70 a kandidata iti maika-69 nga edision ti salip. Maibatay iti opisial a rekord ti Miss Universe, nagturpos daytoy iti kurso a software engineering. Maysa daytoy nga aktibista ken nakaturong ti imatangna iti pannakaitandudo dagiti karbengan dagiti babbai.

Kakadua ni Andrea a nangabak da Julia Gama ti Brazil (1st Runner-up), Janick Maceta del Castillo ti Peru (2nd Runner-up), Adline Castelino ti India (3rd Runner-up), ken Kimbely Jimenez ti Dominican Republic (4th Runner-up).

Kabayatanna, nagpatingga iti Top 21 ni Rabiya Mateo a pannakabagi ti

Filipinas iti nasao a salisal.—O