Manila Bulletin

Ket Nagleddaang ni Rabiya

Ni ANGELO ‘ELOY’ PADUA

INAKO ni Rabiya Mateo, ‘bagis, a napalalo ti leddaangna a nagpatingga laeng iti Top 21 iti pannakisalisalna iti Miss Universe 2020.

Kalpasan ti salisal, impaskilna iti social media ti maysa a naranghado a bestida (gown) a kunana, isuotna koma no bilang nakagteng iti Top 10. Naibasar daytoy iti Sarimanok ken iti Dinagyang Festival a maramrambakan iti lugarna nga Iloilo.

Daksanggasat ta dina metten naisuot.

* * *

Kuna ketdi ni Rabiya a dina man nagun-od tii korona, nagun-odna met ti panagrukbab dagiti minilion

a Filipino gapu iti impakitana a kinapinget.

Para kenkuana, umdasen daytoy. Iti sabali a bangir, adu ti naklaat iti impaskilna a ladawan (kas makita) iti social media nga ababa ti buokna.

Adu ti nangipato a wagasna tapno maliwliwa.

Gayam, ‘pinanglokona’ laeng ta kunana, nakasuot daytoy iti wig.

* * *

Nakaro met gayam ti nagpasaran ni Allan K.

Gapu iti angol, nagserra dagiti naruay a comedy bars a negosiona. Natayan kadagiti kakabsat. Ken isuna mismo, kinapet ti COVID-19.

Ket iti panaglaingna, kuna ni Allan K nga awanen ti rason tapno agbuteng pay kadagiti sumangbay a pannubok iti biag.

Ta iti pannakalasatna iti COVID19, kaipapanan nga impaayan isuna ti Namarsua iti maikadua a biag.

* * * Sakbay nga agkasar da Tom Rodriguez ken Carla Abellana inton Oktubre, uppat a bulan a dida agkita. Apay?

Wen, ta no kaano a naplanoda ti panagkallaysada, isu met ti yaay ti diaya a trabaho kadakuada. Siempre, dida pinalusposan. Isu pay, kunada man.

Ket gapu iti pandemia, agpada a naka-lock in dagitoy iti agsabali a lugar para kadagiti nakairamananda a proyekto.

Karaman ni Tom iti proyekto a “The World Between Us” a pagkakaduaanda kada Alden Richards ken Jasmin Curtis Smith, idinto a karaman met ni Carla iti “To Have and To Hold” a pagkakaduaanda kada Albert Martinez, Yasmien Kurdi ken Jason Abalos. —O

(Chairman ni Kabagis Eloy iti Hunta Direktiba ti FAMAS, HostProducer ti Celebrity Hour Media Forum, ken Trustee iti Aliw Awards Foundation, Inc.—AST)

Itoy A Bilang

tl

2021-06-16T07:00:00.0000000Z

2021-06-16T07:00:00.0000000Z

https://manilabulletin.pressreader.com/article/282346862768411

Manila Bulletin Publishing Corp