PADASEM NGA UMUNA TI AGAS.

No resetaannaka ti doktor iti agasmo, saan a dakes no agkiddawka iti libre a pamadasan (free sample) tapno ammom no kabaelam ti epekto daytoy wenno no kasano ti epektona kenka. Gagangay a mangibatbati dagiti drug company representatives iti free samples kadagiti doktor a mabalin met nga ibinglayda kadagiti pasienteda. No bilang awan, kiddawem ti balakad ti doktormo no gatangem wenno saan amin dagiti iresetana nga agas wenno gumatangka laeng iti pamadasam ket no nasayaat ti epektona kenka, mabalin a gatangemto aminen dagiti agas nga inresetana kenka. Kas koma no rinesetaannaka iti 30 a kapsula, a 1 a kapsula ti tomarem iti kada aldaw, mabalin a gumatangka laeng iti 5 a kapsula. Adda ngamin dagiti agas a mabalin a nakaro ti madi nga epektona (side effect) iti maysa a tao.