Manila Bulletin

Aggagatel ti Dila Wenno Karabukobmo a Nagsida iti Aba?

Ni HANNAH MARI D. VILORIA

NO di nasayaat ti pannakaluto ti aba, adda gundaway nga aggagatel wenno nabudo ti ngiwat, karabukob, ken dila. No kastoy ti marikna, padasen iti mangngalngal iti bawang. Addaan daytoy iti antiseptiko a mangsaranget ti impeksion ken mangpabang-ar iti karabukob. Padasen pay ti mangngalngal iti salamagi. Mabalin pay iti agmulumog iti asin wenno asin a nalaokan iti baking soda.

Mabalin pay ti uminum iti napudot a tubbog ti kalamansi, wenno napudot a danum a nalimogan iti diro.

Nalatak ti aba (Colocasia esculenta) iti adu a paset ti lubong. Mabalin nga isagana a sidaen ti bagas, bulong wenno ti ungkayna.

Adu dagiti pagsayaatan nga ipaay ti aba iti salun-at. Maibilang kadagitoy ti panagpasayaatna iti acid reflux, almoranas, konstipasion ken dadduma pay a parikut iti sistema ti pannakatunaw ti impauneg a taraon.

Napaneknekan pay a tumulong ti panagsida iti aba tapno maliklikan dagiti free radicals a pakaigapuan ti napardas a a panaglakay wenno panagbaket.

Nabaknang pay aba iti gunnot (fiber) ken dadduma pay nga elemento a kas iti manganese, Bitamina B12, Bitamina E, ken potasio.

Timbengen pay ti aba ti asukar iti dara a kasapulan iti panangmantener iti maitutop a kadagsen ti bagi ken ikabassitna ti risgo ti diabetes.—O

Pangunahing Pahina

tl

2021-09-16T07:00:00.0000000Z

2021-09-16T07:00:00.0000000Z

https://manilabulletin.pressreader.com/article/281809992039778

Manila Bulletin Publishing Corp