Carunoan West

Nupay naunday ti dua a dekada

Iti nagbaetanta, nalawag latta ti pakabuklam.

Maibugasak latta iti bennal, iti suka ti paria Ta tunggal agsuek dagiti matak

Ken bumatok ti lagip iti lansad ti lagip Kas iti allon nga agsabuag

A dumupag iti barukongko

Ti essem ken gagar a makaimatang Kadagiti nangayed a buya

A diak kayat nga italek

Iti sabali a lagip.

Tantan-awak iti tawa ti pakabuklam Ta uray dagiti bituen ken bulan Dida maipasir ti langam

A nakapinta iti kalman.

Uray dagiti naparayag a pasdek Dida maallukoy ti riknak Ta maisupadida iti buya-Iti panaglangto dagiti kayo Panagrusing dagiti rettab A mangawis kadagiti arado...

Ket igupennak ti kawa ken ila Ita a panagpagunggan ti angol.

Agar-arikeskes ti kaunggan Tunggal dumupag ti danag Ta naruay latta ti gaw-isen Ti kumpay ti kagaw Ditoy sentro ti panagrang-ay…

Dagus a malagipka Makulding ti pikapik iti riknak-Ta iti sidongmo, adda talinaay.

--RODEL R. ESTACIO