Idiay Barangay Lourdes: 6 a Daniw

Ramut

Pinag-utka iti maysa nga aldaw Nagtudo iti tallo nga aldaw; Nawarwar ti bantay a kasla kawar.

Bato

Pinidutka sa nagtugawak Iti igid ti kaldero ken apuy; Lima a sakada ti nabsog.

Pitak

Impulagidka iti bagik Saak nagpakleb; Maysa a Hapon ti nadaleb.

Danum

Dua a karag napan nagkararag Limmagto ti maysa, “Napukawen ti tikag!”

Kayo

Nagbagyo, natulidka

Idi nagangoka, kinitikitanka Idi Domingo, nagungarka.

Ruot

Sukayen ken puoran Tapno agtubbog dagiti suso Ken agbiag ti kagimongan.

--R.B. ABIVA