Siomai

PADASENTAYO man met ti agaramid iti siomai, maysa kadagiti naisuro kadagiti benepisiario ti Balik Probinsiya a programa ti Mariano Marcos State University iti panagsanay a naangay idi Hunio 22. Karne ti baboy ken ikan ti maaramid a siomai nga insuro da Mrs. Carmen Saladino manipud iti College of Aquatic Sciences and Applied Technology (CASAT) iti Currimao, Ilocos Norte ken Ms. Judelyn Mandac, manipud iti College of Industrial Technology (CIT) iti Siudad ti Laoag.

Dagiti Ramen:

5 kilo a fish flakes/nagiling a karne ti baboy 2 bukel a carrots

2 kangipen a bawang

1 pedaso a sibuyas

1 bukel nga itlog

2 kutsara a cornstarch

1 kutsara nga oyster sauce

1 kutsara a sesame oil

1 kutsara nga asukar

100 gramo a pasayan (saan nga inkapilitan) 100 gramo nga uong (saan nga inkapilitan) Asin ken pimienta

2 pakete a Molo wrapper

Panangisagana:

1. Paglalaoken amin dagiti ramen malaksid ti molo wrapper.

2. Mangala iti 1 kutsara. Ikabil iti molo wrapper. Ipinas ti agsumbangir a pasetna; ti ngatona, nakalukat.

3. Ikabil dagiti nabungon a siomai iti steamer. Pasingawan iti 20 agingga’t 25 a minuto.—O