Manila Bulletin

Daniw a Para Ubbing

Kapote a Kiaw

Ni ADORACION B. MADARANG

Marlon manipud iti bolsana ngem inlisi ni Marlon. “Stop smoking, please. Dimo mapupuotan, sapsapulemton aglalo no agpampanuonotka.”

Kinuti laeng ni Marlon dagiti abagana. Immasideg iti ayan ni Carlos nga agtaktakder. Isu met a sumungad ni Mao.

Naglisi ni Carlos idi makaasideg ni Mao. Nasippadongna ti gurong ti kaanakanna. Maidaramudom koma ni Mao ngem nakakapet ken ni Marlon. Inalistuan ni Marlon nga inarakup ti asawana. Naipasanggirda iti pagatsiket a diding ti kubo. Nadagsen ni Mao.

“I’m sorry, baby,” impadispensar ni Carlos. Naglibbi ni Mao a nangtaliaw ti ulitegna. Dagus nga impangato ni Carlos dagiti dua a ramayna a nagsinan V. Napaisem met laeng ni Mao idi makitana ti senias ken kidmat ti ulitegna. Ngem nakitana ti iggem ni Marlon a sigarilio ket siniggawatna.

Inrakus ni Marlon ti takiagna iti abaga ni Mao. Inturongna iti dati a tugawna.

Idi makatugawda, inagkanna ti pispis ni Mao. Nariknana ti panangipatay ni Mao iti dakulapna iti luppona ket iniggamanna.

Nagbaba ti tension iti kubo. Kasla limmawag ken limmag-an amin ti angesda aglalo dagiti agassawa a Matt ken Paula.

“Ania ti sumaruno a pagsasaritaantayo?” Nagtimek ni Matt.

“Talaga a dimo kayat nga ammuen dagiti natakuatanmi sadiay, Marlon?” inamad met ni Paula.

“Saan, mom. Awan ti basol a naaramidko. Ipakitayo dagita inton agsasaritakayo idiay Manabo tapno malawlawagan da katugangak. Panagkunak, nalawag metten ken ni baketko ti amin.”

Awan ti gargaraw ni Mao a nakasadagen iti abaga ni Marlon. Kitkitaenna ni Carlos a kumitkita kadakuada ken Marlon. Adda ibagbaga dagiti mata ti ulitegna ngem di maibuksilan ni Mao.

“Siguro, sakbay nga agsubliak idiay Canada, agsasaritakayon. No kalikagumanda nga agparangak, umayak. Mabalin latta met inton makasubliakon ngem depende kadakayo. Kaano ti panagsubliyo idiay Hawaii?”

“Idarastayo a leppasen daytoy. Saantayon nga itantan pay,” intimek ni Carlos.

“Inkaso laeng a magabay ti oras, ditay met ammo no masango dagiti lallakay ta adu ti trabaho, kasano?” inamad ni Matt. “Kasano kabayagmo idiay Montreal, Marlon?”

“Arabueltaak laeng, dad. Diak kayat ti mabayag a mayadayo kadagiti annakko, kadagiti agiinak. Mangnamnamaak latta a maamiris ni baketko dagiti biddutna. Isuna ti nagbiddut, saan a siak.”

(Maigibusto)

nakatugaw iti sango. “Good morning, sir,” inkablaawna.

“Good morning... Too early... What can I do for you?”

“A guy named Rudy Agnes was brought in here earlier...”

“Oh, the guy who tresspassed at that gated exclusive subdivision?” Minatmatan ti polis ni Sgt. Ramirez. “Yes, that’s him...”

“And what agency are you coming from... from the Department of State... or from the Department of Homeland Security?”

Nagkusipet dagiti mata ni Sgt. Ramirez. “Ania ti kayatmo a sawen?”

“Kaserserrek dagiti uppat a taga-Central Intelligence Agency. Sapsapulenda met dayta a

Rudy Agnes a kasla ketdin high value target a terorista. Ti laeng pakasdaawak, no apay a CIA pay ti makasapul kenkuana. Ammok met a saandan a sakup dagiti terorista nga adda iti uneg ti pagilian... ta FBI ti akinrebbeng iti dayta...”

“Ket ania ti aramidenda ken ni Rudy Agnes?”

Kinuti ti polis dagiti abagana. “Diak ammo. Basta imbilin kaniak ti hepemi a pastrekek ida no sumangpetda. National security kano...”

Naparasaw ti sarhento.

“Ania ti kunam?” Nagkusipet ti polis.

“A-awan...” Kimmusilap ti polis. “Ania itayen ti naganmo? Tagaanoka? Ken ania ti rantam ken ni Rudy Agnes?”

“Gayyemnak laeng. Umayko koma kitaen no ania ti kasapulanna. Ngem uray saanen. Nakabutbuteng man ti kunayo a CIA ti mangsapsapul kenkuana. Amangan no maisarsarakak pay.” Nagkatawa ti polis. “Siguradoka?” “Yes, officer. Sige, mapanakon.” Nakaparpardas ni Sgt. Ramirez a nagsubli iti luganda.

“Apay a nagsublika?” kinuna a dagus ni John apaman a nairikep ni Sgt. Ramirez ti ridaw ti lugan. “Yan ni Rudy?”

“Naunaandata!” Inlukat ni Rudy ti glove compartment sa ginammatanna ti paltog nga adda dita.

“Ania ti kayatmo a sawen?” inunton ni John.

“Dagiti CIA, addada iti uneg. Sigurado nga alaenda ni Rudy.”

Nadanog ni John ti manibela.

Ginaw-atna ti naipaidda nga M-4 iti likud ti tugawna. “They are going to kill him...” kinunana.

“We have to rescue him,” kinuna ni Sgt. Ramirez idinto a sinuktona ti magasin ti 9-MM nga iggemna sa kinitana no adda met laeng balana. Sipupunno. “Any extra magazine?” sinaludsodna.

“Awan,” kinuna ni John. “Dayta laeng ken daytoy M-4 ti armasta. Dua laeng ti ekstra a magasinna.” Immanges iti nauneg ti sarhento. “Saan a makaanay...” “Uray iti kaano man, awan ti makaanay a panglabanta iti CIA,” kinuna ni John. “Sikapanta ida... dayta laeng ti pamuspusan...”

Madamdama pay, adda simmangpet a nangisit a Navigator. Nagparada daytoy iti sango ti presinto. Iti ridaw, rumrummuar metten ti bunggoy ti uppat a katao a nangbayabay ken ni Rudy Agnes a nakatallikud dagiti takiagna a nakaposas.

Agpada da John ken Sgt. Ramirez a ti bungoy a rumrummuar ti kitkitaenda.

“Paltogak kadin ida?” sinaludsod ti sarhento. “Saan. Napegpeggad ditoy. Adda dagiti pannakabagi ti linteg ket saan laeng a dagiti CIA ti agbalin a kabusorta, pati dagiti polis. Ad-adda laeng nga agpeggad ni Rudy. Surotenta ida, ngem siguraduenta a saanda a makagteng iti sadino man a safehouse a pangipananda ken ni Rudy... ta masiguradok a saanda nga ipan iti headquarters.”

NAKAKIDEM ni Director Bosworth iti lamisaanna a mangam-amiris kadagiti mapaspasamak. Tumurtureden ni John. Maitured payen daytoy a serken ti pagtaengan ti mismo a Sekretario ti Department of Defense.

Nagbanang-es sa nangemkem.

Ti Sekretario ti Department of Defense ti maysa kadagiti kabibilegan a tao saan laeng nga iti Amerika no di pay ket iti sibubukel a lubong. Iggem daytoy ti kabibilegan a puersa dagiti soldado. Dina kayat a makasangdo ti Sekretario. Isu a mismo ti nangipamuspusan tapno isuna ti agtakem a kas Director. Ket masiguradona a maipamuspusan met daytoy ti mangpadisi met laeng kenkuana.

Madamdama pay, immawag ti executive assistant-na iti telepono a landline.

Liningayna ti aggilapgilap a silaw ti telepono. Dina ammo no sungbatanna wenno saan. Pinidutna ti auditibo idi agangay. “Yes...”

“The Secretary of Defense is here, sir...” kinuna ti executive assistant-na.

Napatakder ti Director. Rimmuar ket nagturong iti pagtaktakderan ti Sekretario a mangbuybuya kadagiti ladawan a naipaskil iti diding. “Good morning, Secretary,” inkablaaw ni Director Bosworth. Inyawatna ti dakulapna.

“Good morning, Director,” insubad ti Sekretario. Inalamanona ni Director Bosworth. “Impressive office... Looks better than the Pentagon...”

“Come on, Secretary... I would rather be in Pentagon if I could,” inyangaw ti Director. “Let’s go inside, Secretary,” inyawisna.

Nagturongda iti uneg.

“Do I bring in coffee, juice, donuts or anything, sir?” sinaludsod ti executive assistant.

“What can I offer you, Secretary?” sinaludsod ti

Director.

“Right now, I don’t need anything. I just need a few minutes of your time... I have a meeting that I have to attend to,” insungbat ti Sekretario.

Nagturongda iti conference room a soundproof ken bug free. Indiaya ti Director ti panagtugaw ti Sekretario ngem pinili ti Sekretario ti nakatakder. Impalawlawna ketdi ti panangkitana iti opisina ti Director.

“Bug free, sir,” kinuna ti Director a kasla ammonan ti sapsapulen ti Sekretario. “No hidden camera either...”

“Good,” kinuna ti Sekretario. Sinangona ti Director. “Ammom no apay nga addaak ditoy?”

“Gapu iti pannakaserrek ti residensiam, sir...”

Nagtungtung-ed ti Sekretario. “Aglablabesen ni John...” Napaanges iti nauneg ti Director. “Isu pay laeng ti nakaitured a nangkarit kaniak,” kinuna ti Sekretario. “Ngem saan koma a napasamak daytoy no saan a gapu kadagiti taom nga awan serserbina. Nakaad-adukayo a mangan-anup idinto nga agmaymaysana... wenno adda maysa a kaduana... ngem ania ti napasamak? Katkatawaannakayo.” “We are trying our best, sir .... ” “I guess, trying is not good enough. Umuna a misionmo a kas Director ti CIA, dimo pay maipatungpal... I’m losing faith on you, Director...”

Saan a nakauni ti Director ngem mangmesmesmes. Kayatna a kasangdo daytoy a tao ngem ammona ti bileg daytoy. Ket no kayatna ti agnayon iti takemna, masapul nga ayonanna dagiti amin a pagayatan ti Sekretario. Agtungpal iti ania man a kayat daytoy a maaramid.

Apay ngamin a ni pay John Villa ti nagbalin a problemana? Naparasaw iti kaungganna.

“I’m taking over the operation, Director. I’m placing your death squad under my command... together with my black ops. Their only duty is to hunt down John Villa and kill that son of a bitch. Do I make myself clear?”

Ad-addan a nagmaga ti karabukob ti Director. Kasla makitkitanan ti sumaruno a mapasamak. Mapatapuak iti takemna a kas Director iti CIA!

(Maituloyto)

Tudo a tudo Maslepak a husto Lamiisna ti napalalo Anian a kutimermerko.

Payong, kunan’ nanang Igatangannak uray siam Agtudtudo, agin-init man Maaramat di mainsasaan.

Ngem kapote ti kayatko ‘Tay kolor amarilio Ipangpangaskonto

Ken ni Mayo a gayyemko.

Isu a gimmatang ni nanang

Iti kapotek a kiaw

Ngem tudo daras a pimmanaw Ti init agkatkatawan!

Pangunahing Pahina

tl

2021-09-16T07:00:00.0000000Z

2021-09-16T07:00:00.0000000Z

https://manilabulletin.pressreader.com/article/282144999488866

Manila Bulletin Publishing Corp