Naragsak ni Bea

SAAN a malagip ni Bea Alonzo no kaano a naaddanda iti relasion ken Dominique Roque. Kaano laeng nga inakoda iti publiko nga addaandan iti relasion.

No siak a maysa, masiertok, ‘bagis, a sakbay pay a napanda nagbakasion idiay Amerika, addaandan iti relasion.

* * *

Iti maysa a ladawan ti pamilia ni Dominique, karaman ni Bea a kunam la no talaga a kamengen ti nasao a pamilia. Inubbana pay ti ubing a kaanakan ni Dominique.

Ala, bareng no aggubbanto met ni Bea iti anakda ken Dominique.

* * * Damag a nasayaat a pamilia ti pamilia ni

Dominique.

Segun ken ni Bea, nagustuanna ni Dominique ta napudno daytoy ken manangipateg iti pamiliana.

Kaano met ngata nga ipasiar ni Bea ni Dominique iti farm daytoy idiay Zambales?

* * *

Inako ni Maja Salvador iti vlog-na a nagarem gayam kenkuana ni Enchong Dee.

Ngem binastedna.

Ita, nasingeddan nga agpagayam. Naragsak metten ni Maja iti relasionda ken Rambo Nunez a nobiona.

* * *

Nayalud-od manen ti kasar ni Kris Bernal iti nobiona a ni Perry Choi gapu iti pandemia.

Maikadua daytoyen a pannakayalud-odna. Immuna a nayeskediul iti Abril wenno Mayo, sa Agosto wenno Septiembre.

Mayat sa ketdi no tuladenda laengen da Angel Locsin ken Neil Arce a civil wedding pay laeng. Sa inton medio nalukayen ti community quarantine, mapandan agkasar iti simbaan.—O