Ania Kadi ti Lifestyle Creep?

T(Maudi iti 2 a Paset)

I lifestyle creep ket isu ti idadakkel ii magastostayo iti panagbiag gapu iti panagkalikagumtayo kadagiti bambanag, saan a gapu ta masapultayo no di ket gapu ta ipagaruptayo a karbengantayo dagitoy gapu iti panagbaliw ti kasasaad ti panagbiagtayo.

Iti napan a bilang, naistoriak kadakayo ti maipapan ken ni George nga idi naital-o iti puestona, gimmatang iti baro a luganna a tintinnaganna iti PHP35,000 iti binulan iti laksid nga adda met dati nga us-usarenna a lugan. No dinamag koma ni George ti kapanunotak a kas maysa nga investment specialist, daytoy koma ti imbalakadko kenkuana:

Amangan no kayatmo a panunoten no manonto ti pagbalinan dayta PHP35,000 a binulan a maitinnag iti maysa a baro a lugan no bilang urnongem koma. Iti las-ud laeng ti tallo a tawen, addan maurnongmo a PHP1.26-milion a sobra nga igatangmo iti ararapaapem a lugan –ket cash pay.

No ar-arigen, gapu iti panagayatna a maaddaan iti lugan a maibagay iti baro a posisionna iti trabahona, arigna inggalut ni George ti bagina iti trabahona. Saan a pulos makapaglusulos uray kayatna koma. Ta pangalaanna ngarud no kuan iti dayta PHP35,000 a binulan a pagtinnagna iti innalana a lugan?

Ngem no agap-apura unay a mangsukat iti luganna, mabalin met a dua a tawen laeng nga agurnong. Addanto kurangna a PHP290,000 ket ngarud, amangan no awanto pay PHP9,000 a binulan nga itinnagna iti las-ud ti tallo a tawen.

Kasano a Maliklikan?

Idi maital-o iti trabahona ‘tay maysa nga am-ammok, nagsurat a dagus iti Accounting Department ti opisinada a PHP2,500 ti ikkatenda iti sueldona a kas personal a kontribusionna a para iti Pag-IBIG. Innayonna a no iti daytoy umay a tawen ket maaprobaran ti pannakaingato ti sueldoda nga empleado, agsuratto manen iti Accounting Department-da tapno nayonanna ti kontribusionna iti Pag-IBIG. Arapaapna kano a sakbay nga agretiro iti serbisio, saan a nababbaba ngem PHP50,000 iti kada tawen ti maitinnagna iti PagIBIG.

Magustuak ti inaramid daytoy am-ammok. Kayatna nga ipaawat a no manayonan ti sueldotayo, kitaentayo dagiti ‘forced savings’ ta nayonantayo. Nasaysayaat no saantayo pay a naawat ti sueldotayo a kaduana ti nainayon, nainayonen iti sigsiglotantayo.

Ngamin, narigrigat a siglotan dayta kuarta nga adda iti imatayo ta amangan no adda makitatayo a mangigawid iti dayta a kuarta. Saantayo a mapupuotan, awan gayamen tay kuarta iti petakatayo. Ken ti madmadi, amangan no kurang pay dayta iti ayattayo a mangipakita iti kaarrubatayo iti panagbaliw ti kasasaadtayo iti biag. nga ut-ot iti pusok a pinarnuay ti nasapa a pannakakettel ti apagrusing nga ayatko.

Planok idi ti agsubli ken ni ikit apaman a mapukaw ti sakit ti nakemko. Mabiit met laeng siguro a mailiwliwagko, kinunak iti unegko. Ngem naglabas dagiti tawen a di pulos napukaw ti sakit iti barukongko. Diak latta malipatan ti kakaisuna a parsua a namaggutok iti pusok.

Kabambantayan ti nangyawidan ti amak kaniak. Ngem sementado ti kalsada, ken iti sentro ti barangay, adu dagiti dadakkel a balbalay. Addada sumagmamano a dua kadsaaran. Dakkel met ti sinangpetanmi a balay. Pintado iti uneg ken ruar sa baldosa amin a payaten manipud balkon agingga iti salas ken kosina. Baldosa ti datar ken uray pay dagiti diding ti CR. Ken anian a nagdakkel ti TV-da. Nalablabes pay a sangadeppak ti kaatiddogna. Nabaknangda gayam, indayawko idi.

Ngem idi sumangpet ti asawa ti amak, anian a bainko idi kinitanak nga impababa nga impangato. Ket inkeddengko a saanak nga agbayag iti dayta a balay. Iti umuna unay a panaglalanglangmi a nangaldaw iti nalawa a lamisaan, naadalkon ti ugali ti baket ken dagiti tallo nga annakna. Nagubsang ti panagsasao ken gargarawda, aglalo ti asawa ti amak, a nagkuna kaniak bayat a sipupunno ti ngiwatna iti ngalngalngalenna a karne, “Iti daytoy a balay, no work no eat. Awan seniorita. Trabahom ti aginnaw, agluto, agdalus, aglaba ken agplantsa.”

“Wen, nana,” kinunak sa nagdumogak. Iti unegko, innayonko, “ta alilaennak?”

Apaman a nakapangankami, naginnawakon. Dinilnakak iti agburburek a danum dagiti pinggan a nabayag san a di nadigdigos sa sinabonak iti Joy pati dagiti kaserola ken amin a nakitak a mabalin nga innawan. Pinunasan ken inurnosko dagiti counter ken dagiti naiparabaw a bambanag. Pinagbaengnak ti napalalo a tapok dagitoy. Dinalusak met dagiti kabinet a saanen a malasin ti sarmingda gapu iti rugit. Inurnosko dagiti nagyan dagitoy. Pinunasak inggana a simmilap dagiti sarmingda. Iti dirty kitchen, rinadradak iti pino a darat dagiti kaldero kada pariok a no kasano ti kinangisit ti ruarda isu met ti unegda. Dinalusak met ti ref, ti paglutuan, ti baldosa, ken ti banio a nakaidalusonan dagiti nabasa a pagan-anay, a linabaak met.

Kalpasanna, napanakon iti naipatuldo a kuartok. Dinalusak agingga nga awanen ti naangotko nga agattapok. Inikkatko dagiti kortina ken bed sheet. Inyaplagko ti malongko iti katre sa inyuldagko.

Iti malem, dinamagko iti balasitang nga anak ti baket no ania ti lutuek. Innapuy laeng kano ta gumatangda idiay karinderia iti