Ti Gasatmo

LIBRA (Septiembre 23- Oktubre 22). No pagaayatmo ti kalkalikagumam iti biag, kabaelam ti agrelaks wenno saan unay a maritur ti bagi ti trabaho. Tiempo ti panangipangruna iti salun-at. Maysa ketdi kadagiti mangipaay iti salun-at ti natalinaay a panunot ken naragsak a puso. Nagasat a numero: 1, 5, 9.

SCORPIO (Oktubre 23- Nobiembre 22). Adda dagiti gundaway nga ad-adda a mausarmo pay dagiti talentom. Agballigi ti maysa a proyekto a pakairamanam nupay bassit laeng ti maipaaymo a paset. Agannad iti kagat ti karasaen. Nagasat a numero: 2, 6, 8.

SAGITTARIUS (Nobiembre 23Disiembre 20). Gapu kadagiti nagpasaran a pannubok kadagiti napalabas a bulan, ad-adda a natanangka ita mainaig iti relasion, pannakipagayam ken trabaho. Adda dagiti sumangbay a pagayam ken kakabagian a makatulong kadagiti baro a gannuatmo. Nagasat a numero: 1, 4, 7.

CAPRICORN (Disiembre 21- Enero 19). Saan a nasken nga idardaras ita dagiti agdama a pakaseknan. Nasudsudi ti banagna no matutor. No amirisen, kaaduan a naaramidam iti biagmo ket gapu iti kinatanang ken kinangato ti pagrukodam. Nagasat a numero: 2, 6, 9.

AQUARIUS (Enero 20- Pebrero

19). Tiempo ti panangapit kadagiti bunga ti nagrigrigatam iti kallabes. Siguraduen ketdi nga agtultuloy ti kinaproduktibom. Uray kadagiti tiempo ken aktibidad ti lang-ay, adda dagiti maparnuaymo a pagimbagan. Nagasat a numero: 1, 4, 7.

PISCES (Pebrero 20- Marso 20). Agannad nangruna no panggep ti rumaman iti susik ti dua nga agpada a napateg kenka. Masapul a piliem ti solusion nga agpada a mangabak dagitoy. Panagipapan ti mabalin a mangisarsarak kenka ket ngarud masapul a maalam amin a kinapudno.

Adda dagiti mabalin a mangtukkaw kenka a maliklikam babaen ti panagtalinaed iti natalged a disso. Nagasat a numero: 2, 5, 8.

ARIES (Marso 21- Abril 20). Adda dagiti parikut gapu iti panangimamegmo iti kinapudno. Laglagipem a no kumanunongka iti kinapudnona, dikanto pulos agriro. Nasken laeng nga agridamka ken adalem ti umno a panangipakat iti panggep. Nagasat a numero: 3, 4, 9. a numero: 2, 6, 7.

TAURUS (Abril 21- Mayo 20). Tiempo ti panangbinglay kadagiti talento tapno umadu ti kumanunong kenka. Posible nga ad-adu pay ti maaramidam no padasem ti aglupos. Uray ta ti biag wenno ti lubong, kankanayon nga agbalbaliw, ket asino man a mabati iti panawen, pagtubuan ti lumot. Nagasat

GEMINI (Mayo 21- Hunio 20). Adda naituding a parabur para iti amin.

Agduduma laeng ti wagas tapno magun-od wenno maikutan daytoy.

Naynay ketdi a ti parabur a maibinglay, umadu wenno aganak iti sabali pay a parabur. Ken posible nga agsubli iti nagtaudanna. Nagasat a numero: 1, 4, 8.

CANCER (Hunio 21- Hulio 20). Maklaatka ta posible a matnag ti riknam iti dimo ninamnama a tao. Pagyamanam ketdi ta isuna ti tipo a saan a maamak a mangipakita iti pudno a katataona—ket naidumduma. Ngarud, no kalikagumam ti agbalin met a naidumduma, ti pannakainaig iti daytoy ket dalan tapno agbalinka met a naidumduma ken natalged iti adda a kinataona. Nagasat a numero: 2, 5, 9.

LEO (Hulio 21- Agosto 20). Nagasatka kadagiti gannuat a mainaig iti baro a teknolohia wenno digital. Natalged ketdi a pagnaaran ti ipapaay kenka ti tradisional a wagas ket ngarud, saan a nasken nga idian. Adalem ketdi a paginnabelen dagitoy a wagas para iti adadda pay a nataltalged a pagnaaran. Nagasat a numero: 1, 6, 8.

VIRGO (Agosto 21- Septiembre 22). No marisutmo dagiti bambanag a pakaigapuan dagiti pakaburiboram, manamnama a naannayas dagiti sumarsaruno a bulan. Makaduktal iti ubbog a mangipaay kenka iti naidumduma a kinaregta ken kinasalunat-posible a tao a patpatgen wenno trabaho a nagin-awa. Nagasat a numero: 2, 4, 7.