Publication:

Bannawag - 2021-11-16

Data:

17 Anna Liza M. Gaspar

CONTENTS

23 17 Anna Liza M. Gaspar Immabayak iti mangmangan a lalaki. Maysa a metro ti kaadayok. Naimas ti pannanganna Awan bibiangna iti aglawlaw Mabisin sa unay A nagkiwar iti semento. Apalak man ti panagigupna iti sinanglaw. Bumanerber. Kas man la immalatiw iti labayna ti imas daytoy inorderko a longganisa. Insubona ti naudi a sumagmamano a tinukel ti innapuyna a pinasarunuanna iti bumanerber nga igup. Timmalangkiaw. Intag-ayna ti imana ket pinayapayanna ti serbidora. Miss, maysa man pay nga innapuy? Mano? Seventeen, manong. Saanen a naguni pay. Sinarapana ti malukong a yan ti nabatbati a sinanglaw. Pinuyotanna ti digo. Nagkidem sana pinaatianan. Timmakder sa immasideg iti kahera. Nagbayad sa rimmuar. --ANNA LIZA M. GASPAR

Images:

© PressReader. All rights reserved.