Publication:

Bannawag - 2021-11-16

Data:

Atang Froilan A. Mangoba

CONTENTS

--FROILAN A. MANGOBA

49 Atang Froilan A. Mangoba Atangak manen ti burangen A nagapon iti duogan a baliti Ta no kuan agbisin, mangan-annong Ibaonna dagiti batibat a mangkibur. Apagdarikmat, maburang-it ti sarukang Ti nabatbati a daton, pagrarangasan Dagiti umar-arubayan a musang. Mabatiak manen nga agmalmalanga Kaano laeng daydi panagkari ti baglan A papanawenna ti burangen iti baliti Ngem agingga ita, innak agyat-atang Maibus payen tarakenko a pamusian. Alaek man ketdi ti rigis nga anglem Iti sarusar adda nabatbati a bagas a baak Mangwarisak, suobak ti duogan A baliti agingga a magungtoban.

Images:

© PressReader. All rights reserved.