Publication:

Bannawag - 2021-11-16

Data:

Sibibiag ti Tignay a Girl Scouts

CONTENTS

Ni JOYLIN T. CAMBRI CORTES

IMPINGPINGET ni Josefa Madamba Llanes Escoda ti naan-anay a pannakabigbig ti akem dagiti babbai iti gimong. Manipud panagubingna iti Dingras, Ilocos Norte a nakayanakanna agingga iti panagturposna iti kinamannursuro iti Philippine Normal School ken iti Unibersidad ti Filipinas, naimula iti puso ken panunotna ti pannakaitandudo ti kalintegan dagiti babbai kangrunaanna ti pannakipasetda iti pannakapili dagiti lider politikal. Kalatakan kadagiti batonlagip daytoy Ilokana a bannuar ti Maikadua a Gubat ti panangpundarna iti Girl Scouts of the Philippines. Naipatakder ti GSP iti panggep a tumulong iti pagimbagan dagiti ubbing ken agtutubo a babbai ken mangisagana kadagiti pagrebbenganda iti pagtaengan, pagilian, ken iti lubong. Daytoy a gannuat, supsuportaran ti adu a nataengan a babbai a boluntario nga agpapaay iti daytoy nga organisasion. Naiturong dagiti programa ti GSP iti kinasingpet, panagtitinnulong dagiti pamilia, panangtaginayon kadagiti nangangayed a tawid, panagrang-ay, panangapresiar iti arte, ken iti panamagtalinaed a makaay-ayo ti aglawlaw. Iti idadateng ti pandemia a COVID-19, naipasungalngal daytoy a tignay kadagiti agsasamusam a parikut. Saan a napalubosan ti panagtataripnong a maysa kadagiti kangrunaan a wagas tapno mayimplementar dagiti programa ti tignay. Maysa pay kadagiti parikut nga impaay ti COVID-19 ti saan a pannakaipatungpal kadagiti aramid iti ruar a kas kadagiti camping. Awan ti mabalin a pangisuno kadagitoy nga aktibidad. No saan pay a personal nga agkikita dagiti girl scouts, saan unay nga epektibo a maipasagepsep dagiti sursuro iti panagbalin a lider wenno pannakaital-o koma dagiti kameng iti sumaruo nga agpang (badge system). Ar-aramiden met ketdi ti liderato ti GSP tapno maipatungpal dagiti kangrunaan a panggep ti tignay uray iti laeng birtual a panaglalangen. Saan a mailibak ti kinapateg dagiti pagsayaatan nga ipapaay ti GSP tapno mamuli ti galad dagiti ubbing ken agtutubo a babbai. Ket sapay koma ta iti laksid ti agdama a kasasaad nga impaay ti COVID19, agtalinaed iti puso ken panunot dagiti amin a Girl Scouts ti karida a panagpaayda iti Dios ken iti pagilian, ti panangtulongda kadagiti tattao iti amin a gundaway, ken iti panamagbalinda a paset ti biagda ti Paglintegan ti Girl Scouts.—O (Mangisursuro ni JCC iti Department of Physical Education, Health and Music iti Cagayan National High School, Tuguegarao City, Cagayan. Maysa kadagiti boluntario nga agpapaay iti GSPCagayan Council a kas Adult Leader.) ikitna nga immabay iti tawa. Minatmatan ni Julian ti baket. Ngem saanen a nagpabatubat. Sikakarting nga immulog ket kasla tumaray a nagturong iti balayda. Nagsiim nga immuna iti maikadua a paraangan amangan, kunana, no adda nabati a polis iti balayda. Nakagin-awa idi makitana nga awan ti tao iti paraangan. Nagtarus ni Julian iti sirok ti balayda. Sikakarting a nangubuan iti naipempen a tabako. “Saanda a nakita!” nayesngawna idi makitana dagiti paltog nga indulinna. Isublina koman dagitoy idi naggilap ti maysa a pamuspusan iti nakemna. Yalisna dagiti armas, dayta ti masapul. Ilemmengna dagitoy iti sigud a pagilemlemmenganna iti igid ti karayan, iti sirok dagiti nasamek a lanut. Innalana dagiti armas, binungonna dagitoy iti langgutsi sa impisokna iti bayong a sigud a pagikarkargaanna no agdakiwasda iti rabii. Kasta unay ti kebbakebbana idi rummuar iti sirok ket nagturong iti igid ti karayan iti abagatan ti purok. NASIPUTAN ni Imig ti perperroka a nagdisso iti kamantiris iti masanguananna. “O, o, o,” inggawid ni Imig ti tali ti nuangna. Agarup pinabassitna pay ti bagina idi dimsaag iti nuang. Pimmili iti napintas a bisil nga ibolbolsana sa binalaanna ti palsiitna. Nagar-arudok iti sirok dagiti bagbagutot. “Tinnagenka ita,’’ kunkunana iti bagina. “Sidak dayta petsom, no kunak, sidak….” Nakagteng ti ubing iti sirok ti kamantiris. Kasla pusa ti arigna a mangsisiim iti tukmaanna a marabutit. Nakitana ti perperroka. Binennatna ti palsiit. Ngem pagammuan la ta nagpayakpak ti billit ket timmayab. Adda ngamin agtartaray a lalaki nga aggapu iti amianan. “Diaske met,” intanabutob ni Imig. “Ne, sika gayam, Mang Julian! Kailala ‘tay perperroka a sirsirigek…. Papapam, Mang Julian?” Nagsarimadeng ni Julian. Kasla kumilaw dagiti matana a naiturong iti ubing. Nagkuretret ti muging ni Imig. Ita man pay a makaunget? dinamagna iti nakemna. “Mang Julian, adda pay agdamdamag kenka itay a polis,” kinuna manen ti ubing. Inasitgan ni Julian ni Imig. “Nakakitaam kadakuada?” inimtuodna. “Dita taltalon itay agpaspastorkami kada Onong. Sapsapulenda ti yan ti balayyo…. Ania dayta nagyan iti bayongmo, Mang Julian?” “Ti la damdamagem.” Kinusilapan ni Julian ti ubing. Ket intuloynan ti nagpadaya, nagpukaw iti labes dagiti ledda. “Isu ti nangdugsak iti billitko, isu pay ketdin ti makaunget.” Nagmisugsog ni Imig ket nagsublin iti yan ti nuangna. Sinaltaanna manen ti ayup ket sinurotnan ti desdes nga agturong iti paset ti karayan a pagipadpadigosanda a taga-Bimmikal. “Napuntaak koma daytay billit no saanna a dinugsak,” intantanabutob ti ubing kabayatan ti panangiwarwarasna iti panagkitana kadagiti kayo a malabasanna bareng adda makitana a billit. Ngem saan a nakasarak iti billit. Dimteng ti ubing iti karayan. Inyabogna ti nuangna iti danum, imparngedna iti puon ti dumanay sa rinugianna ti nagpili iti bisil. Pinunnona dagiti bolsa ti sapin ken badona iti bisil ket rinugiannan ti nangsurot iti desdes a tumakdang iti teppang ti karayan. Sarakenna manen dagitay sangapagassawaan nga abuyo a masansan a makitana no umay agpalsiit. Saan a napupuotan ti ubing ti yaadayona manipud iti nangipadigosanna iti nuang. Naginana apaman a nakagteng iti sirok ti tebbeg iti yan ti burayok. Nabayag a nagsiim ditoy. Adda ngata sumaggatlo a perperroka a simmarungkar iti tebbeg ngem saanna nga intaltalek dagitoy ta dina kayat a mabugaw dagiti alimuken, no adda ketdi umararubayan. Saan a naupay ti ubing. Pagammuan la ta nangngegna ti parasapas iti alimpatok ti tebbeg ket idi timmangad, nakitana ti nalukmeg nga alimuken nga agpalpallayog pay laeng iti nalap-it a sanga a nagdissuanna. Kinagat ni Imig ti bibigna. “Daytoyen!” intanamitimna. Kasla mabaybayo ti barukongna a nangbennat iti palsiitna sa binulosanna ti bala. Nagliteng ti bato a simpok iti labes dagiti agraraay a tebbeg. “Naala!” inriaw ni Imig. “Naala!” Nasiputanna a nagdisso, wenno kasla nagdisso, ti alimuken iti kasamekan dagiti lanut ken ruot iti dayaen ti tebbeg. Saan nga intaltalek ti ubing dagiti lanut a lasatenna iti pardasna a nangsurot iti billit. Sinukisokna ti impagarupna a yan ti tumatayab. Ngem kasano met a nasarakanna ket kasta unay ti kinapuskol ti lanut? “Ngem natinnag, napuntaan!” Makasangsangiten ti ubing iti pudot ti ulona ken pannakabannogna nga agbirok. Pagamammuan, adda nabaddekanna a nabunton a banag. Ania daytoy? nakunana iti nakemna. Bayong? Ne, apay nga adda bayong ditoy? Binagkatna ti bayong. Nadagsen! Sus, Apo, ania ngata daytoyen? Langgutsi? Ania daytoy, langgutsi? Inuyosna ti langgutsi ket inruarna. Binukrana ti langgutsi. “Paltog! Sus, Apo, paltog!” nayesngaw ti ubing. Nalagipna dagiti polis. “Innak ipulong kadakuada,” kinunana ket kasta unayen ti pardasna a nagturong iti purok. (Maituloyto)

Images:

© PressReader. All rights reserved.