Publication:

Bannawag - 2021-11-16

Data:

Komusta ti Ref-yo, Komari?

CONTENTS

Ni JONALIZA P. CABISARES

51 Panangimaton iti Pagtaengan INSPEKSIONEN met laeng koma ti repriheradora iti uray 30 a minuto laeng, mamindua iti makatawen. Dakkel ti maitulong daytoy iti nasayaat a pannakamantener ti aparato tapno nabaybayag met laeng ti pannakaaramatna. No regular ti panangdalus ken masansan ti pananginspeksion iti repriheradora, dakdakkel ti gundaway a matakuatan dagiti parikut sakbay a kumaro dagitoy. Adda dagiti gundaway a madlaw a nabara wenno saan a bumara ti uneg ti repriheradora. No kastoy ti mapaliiw, kitaen ti kalibre ti temperatura no nababa ken di maitutop iti kaadu ti linaon ti aparato. No maitutop ti kalibre ti temperatura ken kaadu ti linaon ti aparato sa napudot pay laeng, kitaen ti bentilador ti ebaporador (ventilation fan). No ngamin adda nadadael a paset ti defrost system ti repriheradora, ad-adda nga dumagsen ti panagtrabaho ti bentilador. Napigsa pay ketdi ti uni ti bentilador no adda parikut ti defrost system. Tapno matarimaan, lapsuten ti koneksion ti koriente sa manual a puligosen ti bentilador. No marigatan ti bentilador nga agpuligos, masapul a masukatan. Mabalin pay a bumara ti uneg ti repriheradora no adda parikut ti damper control. Sapulen ti damper control babaen ti instruction manual sa obserbaren ti panagtrabahona. No saan nga aglukat ken agrikep tapno sumrek ti nalamiis nga angin, masapul a masuktanen. Nabara pay ti uneg ti repriheradora no agsawaw ti goma wenno gasket ti rikep ti ridawna. Daytoy iti pakasapulan ti kankanayon a pananginspeksion iti door gasket no limkang, adda bettak wenno dadaelna. Inspeksionen pay no adda agtedted a danum no dalusan dagiti espiral ti alambre (coil). Malaksid iti panangdadel ti agtedted a danum iti suelo, dumakkel pay ti bayadan ti koriente. Regular ti automatiko a pannaka-defrost ti freezer tapno maikkat ti maurnong a yelo. Ngem nalaka laeng met a maappelan ti pagruaran ti natunaw a yelo gapu met laeng iti yelo, maiselsel a paset ti taraon ken dadduma pay a bambanag. No maappelan ti defrost drain, aglipias ti maurnong a danum. Tapno masolbar daytoy a parikut, ikkaten ti koneksion ti koriente iti repriheradora sa sapulen ti defrost drain. Ikkaten dagiti manglapped ti panagpanaw ti danum ken kitaen pay no adda yelo iti tubo. No adda naisullat a yelo, paayusan iti apaganem-em ti pudotna a danum sa dalusan daytoy. Agtedted pay ti repriheradora no nalukay wenno adda bettak ti water inlet valve. Daytoy ti koneksion a mangiserrek iti danum iti reprihedora. Siguraduen a nairut daytoy. No adda dadaelna, saan nga itantan ti pannakasukatna.—O

Images:

© PressReader. All rights reserved.