Publication:

Bannawag - 2021-11-16

Data:

AMMUEM PAY DAGITOY

CONTENTS

58 Ammuem Pay Dagitoy APARRI, CAGAYAN. Kalpasan ti panagsungbatda kadagiti modules-da wenno no kasta nga awan ti klaseda, agderetso dagitoy nga ubbing ti Brgy. Linao, Aparri, Cagayan iti karayan iti abay laeng dagiti pagtaenganda tapno ag-troll-da nga agala iti rissing wenno annak ti rasa. Bassit a bubo ti awawaganda iti troll nga agarup maysa agingga iti tallo a metro ti sungabanna. Anusan a guyoden daytoy ti ubing iti igid ti karayan. Inton kapkapnekanna nga addan naala, itakdangna daytoy ket ipanna iti planggana nga adda danumna a nakagalut laeng iti siketna tapno uray sadino ti pakadanonanna, adda madadaan a pagikkanna. Dua a pisos agpangato ti bayad ti maysa a rissing depende iti kadakkelna. Addada komersiante a sidadaan a gumatang kadagitoy. Aggapuda pay iti probinsia ti Pangasinan no dadduma. Ar-aramiden dagiti ubbing iti nasao a lugar daytoy tapno makatulongda kadagiti nagannak kadakuada ita a panawen ti pandemia. (Ladawan: ANNA LIZA F. PALLAGOADOLFO | Teksto: JOBERT M. PACNIS)

Images:

© PressReader. All rights reserved.