Publication:

Bannawag - 2021-11-16

Data:

Ti Gasatmo

CONTENTS

Ni MADAM CHARISMA

59 Ti Gasatmo SCORPIO (Oktubre 23- Nobiembre 22). Umdas nga inana ti kasapulam tapno lumawag ti panangsirmatam kadagiti nasken nga aramidem. No mabalin, aramidem a nalag-an ti iskediulmo iti arinunos ti bulan. Makatulong daytoy tapno maparegta ti kinamanagparnuaymo a makatulong met tapno mabalabalam dagiti sumaruno nga addangmo. Nagasat a numero: 1, 5, 8. SAGITTARIUS (Nobiembre 23- Disiembre 20). Maibalakad ti panangsaranget kadagiti saan a nalawag nga isyu nangruna kadagiti nasinged kenka. Masapul nga awan ti sagursor iti aglawlawmo wenno iti napalabasmo tapno ad-adda a maiturongmo ti imatangmo iti masakbayan wenno iti agdama a pakaseknam. Nagasat a numero: 3, 4, 7. CAPRICORN (Disiembre 21- Enero 19). Masapul nga urnosem dagiti addangmo nangruna ita ta agdudupudop dagiti puersa ti aglawlaw ket amangan no agkabsiwka. Makatulong kenka ti panangpabarom iti ammom maipapan iti teknolohia wenno iti digital nga aspeto ti agdama a panagbiag. No adda nasiglat iti aglawlawmo, aramidem a wadan wenno karit saan ket a pagsayangan iti enerhia nga apalan. Nagasat a numero: 2, 5, 9. AQUARIUS (Enero 20- Pebrero 19). Masdaawka iti kellaat a panagsubli ti kinalawag ti panunotmo ket mabaelamon nga ituon ti imatangmo kadagiti nasken ng aramidem. Naimbag a damag ta makasalidaka iti arinunos ti bulan kadagiti nasken nga aramidem wenno iringpasmo. No addanto madlawmo a panagin-inayadmo, isu dayta ti tiempo a maawisnaka ti maysa a pagraeman. Nagasat a numero: 3, 4, 8. PISCES (Pebrero 20- Marso 20). Daytoy ti tiempo a nailatang para kadagiti nasken a leppasen wenno serraan a kas iti proyekto, wenno relasion. Kasta met ti biag, adda latta panaggibus ti tunggal banag, wenno panagdaliasat. Ti pagimbaganna, kanayon nga adda gundaway para iti panangabaruanan wenno panangrugi manen. Adda ketdi dagiti adal iti napalabas a dakkel ti maitulongda kadagiti masungad a pannakigasanggasatmo. Nagasat a numero: 2, 6, 9. ARIES (Marso 21- Abril 20). Adda indibidual iti sirkulo a yanmo a nasken a maliklikam ta dimo kabaelan ti negatibo nga enerhia nga ipapaayna. Dika madanagan ta kas iti kunada, no adda agserra a ridaw, adu ti aglukat a tawa. Ad-adu ti maaramidam no natalinaay ti aglawlawmo wenno addaanka iti kappia kadagiti amin nga adda iti aglawlawmo. Nagasat a numero: 1, 4, 7. TAURUS (Abril 21- Mayo 20). Naimbag dagitoy maudi a dua a lawas ti bulan para iti kinamanagparnuaymo. Sakbayna, masapul nga itanemmo ti gura a mangkitkittib iti kinaimbag iti kaunggam. Masdaawka iti kinaragsak a sumangbay kenka apaman a matallikudam amin a sakit ti nakem. Dimo masukatan ti napalabas ngem mabalinmo nga aramiden a naimbag ti masakbayan. Nagasat a numero: 2, 5, 8. GEMINI (Mayo 21- Hunio 20). Naidumduma a pigsa wenno inspirasion ti ipaay kenka ti maysa a pagwadan a tao iti tay-ak ti espiritual. Mabalin a riknaem ti panangibbetmo iti maysa nga indibidual nga impagarupmo a napateg kenka, ngem kalpasan daytoy, matakuatam a daytoy ti rason nga adu dagiti naimbag a bambanag a di simmangsangbay kenka. Kablaawam ti bagim ta kabaelamon a lukatan ti bagim kadagiti naiimbag nga oportunidad. Nagasat a numero: 1, 4, 9. CANCER (Hunio 21- Hulio 20). Kalpasan ti panangrisutmo iti maysa a problema, ita laeng a maamirismo a tinagtagiuraynaka ni gasat tapno ad-adda a maapresiarmo. Pagimbaganna, kasla ar-arak daytoy a gasat ta iti kanito a matagikuam, agsasarutsot dagiti sumangbay kenka a parabur a nupay babassit, main-inutanda met a paimbagen ti biagmo, ken dagiti tattao iti aglawlawmo. Nagasat a numero: 2, 6, 7. LEO (Hulio 21- Agosto 20). Ti saan a nalawag a komunikasion ti rason a dika makadur-as kadagiti napalabas a lawas. Masapul ngarud nga agbalinka a napudno iti bagim, ken kadagiti nasken nga ibagam. Kinapudnona, sungsungkaendaka dagiti adda iti aglawlawmo ta ipatoda a saanka a nakasagana nga umawat iti ania man a tulong wenno grasia. Nagasat a numero: 1, 4, 8. VIRGO (Agosto 21- Septiembre 22). Manamnama a naimbag ti mapasamak iti pamilia ken pagtaengan nangruna iti tayak ti salun-at ken pinansial. Laglagipen laeng nga ammo ti mapaspasamak iti tunggal kameng ti pamilia tapno maipaay ti kasapulan daytoy a tulong nangruna iti pammateg ken pammatalged. Ad-adda pay nga umirut ti langenlangen kadagiti kakaarruba. Nagasat a numero: 2, 5, 9. LIBRA (Septiembre 23- Oktubre 22). Gapu kadagiti problema iti kallabes, masapul nga agsakripisioka bassit kas koma iti panangipataray wenno panangilako iti sumagmamano nga alikamen a napateg kenka. Laglagipen no ania dagiti nasken kadagitoy a panawen. Addanto latta tiempo manen a mapabus-oyan ti bukod a pagragsakan. Nagasat a numero: 1, 6, 8.

Images:

© PressReader. All rights reserved.