Publication:

Bannawag - 2021-11-16

Data:

Online Class

CONTENTS

Inurnong ni MARICEL T. NOLASCO

62 Manipud iti Social Media “Tell me some of the details,” indawat ni Bileg Aurelio. “Just wait for developments. A call would be forthcoming from Washington DC. We have to organize our lobby groups in the capital, get the big boys involved.” “Who are these big boys?” “The bad guys. The dirty guys. You would know what I mean.” Nagtungtung-ed ni Bileg Aurelio. “Whatever happens, there must be no bloodshed, sir,” kinunana. “If we could help it,” kinuna ti Amerikano. “Promise me there won’t be any, sir,” inulit ni Bileg Aurelio. “Relax, Mr. Colorado. It is too early to tell,” ingibus ti Amerikano. Nagsubli ni Bileg Aurelio iti yan dagiti ubbing. Nakaturogen dagitoy. Naginnuluanda iti puon ti tower ti radar ti yate. Binagkatna ti balasangna. Nadagsen daytoy. Naguyaoy dagiti atitiddog a gurongna. Immarakup ni Sahri idi kamangenen ni Bileg Aurelio ti agdan nga umulog. “Wil…” kinuna daytoy ket nakigtot ni Bileg Aurelio ngem napaisem. Tin-edieren ni Sahrita, nagistayanna nalipatan dayta. Siguro addaanen iti crush, addaan kadagiti pantasia. Ket kayat pay a yadayo ni Riz ti nasam-it a panangpaliiwna iti panagbukar ti panagbalasang ni Sahri? Nakariing ni Sahri idi ipaidda ti amana iti cabin daytoy. “Daddy, binagkatdak?” dinamagna. “Nagdagsenak ngata!” Immisem ni Bileg Aurelio. “Nalag-anka laeng, anak,” kinunana. “Dagitoy pay a masel ti kunam?” Impakita ni Bileg Aurelio dagiti takiagna. Sinublina ni Quid. Napintek ti barona. Imbagana idi nga inton pakugitda ni Quid, isunto ti mangkuyog. Ngem inlibas ni Riz dayta ket sa laeng naammuan daytoy idi impupok ni baketna ti baroda ket immay sinarungkaran ni Dr. Graganta. Sayang a gundaway a makitana koma met ti pannakabuniag ti kinalalaki ti anakna. AGSAPA. Bumalitok ti taaw iti daya a digdigosen ti sinamar. Iti laud, asidegen ti Buraan Island. Pumurpuraw dagiti dalluyon nga agburak kadagiti kabatuan nga aplayana. Isu ngata ti nakanagananna iti Buraan. Addadan iti pingir ti Baybay Pasipiko. Iti daya, nakalawlawa a kasla nganga ti mabisin a buaya ti serkan iti Cadaclan Bay a bambantayan ti Sentinela Island. Adda ni Bileg Aurelio iti command center ti yate. Agkapkape. Ar-aramiden ni Tata Guzman ti sumagmamano nga adjustment kalpasan ti panangipakatna iti autopilot ti yate iti sumagmamano nga oras idi rabii. Dumaddadakkel dagiti allon nga agburak iti lagoon ti isla. Madamdama pay pinusipos ni Tata Guzman ti timon ket naiturong ti yate iti nakanganga a ruangan ti lagoon. Nagkinnamatan da Sahri ken ni Quid a simrek iti control deck. “Buraan! Yes!” kinuna ni Sahri. “Daddy, aglangoykami iti lagoon, wen?” kinuna ni Quid. Kimpet iti likudan ti amana. “Wen,” kinuna ni Bileg Aurelio. Ammona a maibusor dayta iti bilin ni Riz. Masmasdaaw no kasano nga iti balayda, maalalumiim dagiti annakna. Kasano ita a nakadekdekketda kenkuana? Ket nariknana a nangnangruna a mabuteng dagiti ubbing ken ni Riz ngem kenkuana. (Maituloyto)

Images:

© PressReader. All rights reserved.