Ilokana a Narimat ti Bituenna iti Amerika

ITANTAN-OK ita ni Mikaela Bautista ti tinaudanna a puli iti Amerika. Kas kumakanta, dandanin malikmutna ti USA iti kinaadu ti pakaaw-awisanna nga okasion—a masansan met a pangidauluanna a mangkanta iti “Lupang Hinirang” ken iti “The Star and Spangled Banner,” ti nailian a kanta ti Filipinas ken USA, a mangipaneknek iti agpada a panangbigbig kenkuana dagiti Filipino ken Amerikano a naisangsangayan ti kabaelanna a mangibagi iti Filipinas ken USA.

Tubo ti Claveria, Cagayan ken Laoag City ni tatangna, ni Vhen Bautista (am-ammo a kas “Prince of Ilocano Songs”), ken i-Narvacan, Ilocos Sur met ni nanangna, ni dati a Rosario Canto, a nurse iti US. Naipasngay iti US ni Mikaela ngem natarus ti panagsaona iti Ilokano. Impaganetget ngamin dagiti dadakkelna nga Ilokano ti pagsasaoda iti pagtaenganda iti Rancho Cucamonga, California. Agsaoda laeng iti Ingles iti ruar ti balayda. Isu a balasitang pay laeng ni Mikaela, rinugiannan ti agirekord iti Ilokano a kanta iti Aweng Records. Adun ti album a nakairamanan dagiti kantana, kaduana ni tatangna.

Agtawen iti uppat idi umuna a makisalip iti singing contest iti Delano, iti tinawen a selebrasion ti Filipino Weekend. Isu ti kaubingan iti children’s category a nagkampeonanna. Nagadalda ken Keanu a kabsatna iti piano ket iti makasursuroda, nagbalinda a pianist-singer iti Sacred Heart Catholic Church iti Rancho Cucamonga.

Iti tawenna a 14, nag-audition ken naawat iti Filipino American Symphony Orchestra (FASO), maysa a full orchestra (addaan iti nasurok a 100 kameng a Filipino ken American musicians). Tinawen ti konsierto ti FASO ket iti tawen a “FASO Goes Pop” ti tena, naalana ti spot para iti Whitney Houston Medley a nagkantaanna iti “I Have Nothing/ I Will Always Love You.” Ad-addan a naglatak ta masansanen nga ag-perform kadagiti dadakkel a konsierto iti California ken dadduma pay nga estado. Nakaduanan iti konsierto dagiti beterano a Pinoy performers a kas kada Jay-Ar, Martin Nieverra, Joey Albert, Sylvia De La Torre, Odette Quesada, Didi Magno Hall a nalatak a Miss Saigon Stage Actress, ken ti UST Singers.

Malaksid a kumakanta, 2nd degree black belter iti taekwondo. Nag-USA Junior Olympic Champion iti blue