Okeyka, Apong

ITULTULOYTAYO man a sirigen dagiti pagteng iti lubong a mamagbaliw iti wagas ti panagbiagtayo:

*Panangiresiklo iti Medio Urban/Siudad.

Agrambak dagiti mangipatpagteg iti nakaparsuaan iti pannakaabbeng dagiti kasla agtubo nga uong a medio siudad (suburbs) a nakaigapuan met ti pannakailuodtayo kadagiti lugan. Masabalian dagiti impraestruktura pabor kadagiti town center, para publiko a libraria, museo,

sports center, parke.

Madlawyo dagiti paggasolinaan kadagiti expressway a kas iti NLEX ken SLEX? Napagbalinen nga espasio a mabalin nga makapagrelaks dagiti motorista. Umad-adu dagiti pagilian a mangipakpakat kadagiti reglamento a mangpalangto kadagiti siudad, manipud kadagiti igid ti kalsada agingga kadagiti tuktok dagiti pasdek.

Magustuanyo ti Hanging Gardens of Babylon? No maysa daytoy kadagiti pagsidsiddaawan iti nagkauna a lubong, kabaelantayo met ngata ti mangaramid iti kapadana, uray dakdakkel pay no mausar ti moderno a teknolohia ken amang nga ad-adu a puonan.

*Ti Baro a Calvinism. Umad-adu dagiti pastor wenno evangelical a mangididiaya iti ‘agas’ a maibinglay ti maysa a relihion wenno sekta. Mangipapaayda iti pannakaawat kadagiti nagadu nga agtutubo a bunga ti panagsina dagiti nagannak, diborsio, droga, sulisog iti pannakikaidda, ken dadduma pay.

*Pannakabangon dagiti Superhighway a

Mamagkamang Kadagiti Estado. Agbalbalin daytoy a baro a network ti light rail ken “smart power” electric grid. Alternatibo daytoy iti kultura ti lugan a mapataray laeng babaen ti fossil fuel ken mangpaadu kadagiti medio siudad (suburban).

*Amortalidad. Amortality. Maawagan pay daytoy iti “non-moral sensitive” wenno “neutral morality.” Ania man ti pangawagyo, binaliwan daytoy a pammati iti panagkitatayo maipapan iti edad. Dagitoy ti tattao a dida kayat ti tumaeng wenno lumakay wenno bumaket; no kasano ti kinapigsa wenno kinatibker ti bagida idi agtutuboda, kasta pay laeng uray lakay ken baketdan — ken idawdawat wenno ikarkararagda nga agungardanto kalpasan ti ipapatayda.

(Maitultuloy kadagiti sumaruno a bilang dagiti dadduma pay a pagteng iti lubong a mamagbaliw iti wagas ti panagbiag ken panagpampanunot.)