NABARBARAKA MET LAENG NO MANAGSIDAKA ITI SILI.

Adda dagiti agkunkuna nga aphrodisiac wenno pagpatangar ti nagasang a sili a kas koma ti silit’ sairo. Adda kinaagpaysona daytoy. Iti panagadal a nakipartisiparan ti 114 a lallaki, naikkan dagitoy iti naiplato a mashed potatoes ken sangabotelia a chili sauce. Kalpasanna, naibilin kadakuada a makaammodan a mangtempla iti kayatda a raman ti kanenda. Kalpasan ti pannangan dagiti lallaki, indilig dagiti researcher ti kaadu ti naibus a chili sauce ti tunggal maysa kadakuada iti level ti testosterone dagitoy. Pudno, natakuatan dagiti researcher a dagiti ad-adu ti naipaunegda a chili sauce, nangatngato met laeng ti testosterone level-da. (Ladawan: scx2.b-cdn.net)