Ading Kosinera

ITULTULOYTAYO man nga iburay dagiti potahe nga alisto nga isagana, nalaka, ken nasustansia a taraon a mabalintayo nga idasar a para iti pamiliatayo. Mairaman daytoy kadagiti taraon nga isingsingasing ti Food and Nutrition Research Institute (FNRI) a para iti nasalun-at a pamilia ken nailanad daytoy iti 2022 Menu Guide Calendar ti FNRI.

Dagiti Kasapulan:

1/2 tasa a manteka a pagprito 5 pedaso a tokwa, naiw-iwa iti pakubiko

2 kutsara a manteka, paggisar 1 kutsara a sibuyas, nagalip 1 kutsara a bawang, nagalip 3 tasa a mixed vegetables, frozen (carrots, peas, corn)

2 tasa a danum

1 pakete (200 g) a tomato sauce 2 kutsarita nga iodized salt

1/8 kutsarita a pimienta (black pepper), nadekdek

Panangisagana:

1. Ipapudot ti manteka iti pariok. Prituen (deep fry) ti tokwa agingga nga ag-golden brown. Ipaigid iti apagapaman.

2. Mangipapudot manen iti manteka. Gisaren ti sibuyas, bawang, ken mixed vegetables.

3. Inayon ti danum, tomato sauce, asin ken pimienta. Kaluban ken pabureken iti lima a minuto.

4. Inayon ti tokwa. Pabureken manen ti dua a minuto.

5. Adawen ken idasar a napudot.

Palagip:

Kadagiti tiempo a limitado ti panaggarawtayo, mabalintayo ti agaramat kadagiti frozen vegetables tapno adda paggapuan ti protina. Ngem no awan, agaramat iti presko a carrots ken green beans. Kasta met a napintas a paggapuan ti protina ken kalsium ti tokwa.

Inayontayo dagiti dadduma pay a balakad ti FNRI kangrunaanna iti pannakasaluad dagiti taraontayo iti daytoy a “new normal.”

1. Bugguan sakbay nga aramaten dagiti ramit iti kosina ta amangan no saan a napuotan wenno nakita a nagkarayaman dagiti insekto, bao, ipes (sipet), ken dadduma pay.

2. Agsakbay. No adda dagiti in-takeout a makan wenno taraon, yakar a dagus iti nadalus a container wenno pagbalonan

3. Bugguan dagiti ima sakbay a mangan.

4. No di kasapulan ti agidulin iti adu a makan, saan nga ar-aramidem daytoy.

5. Laglagipen a ti nasayaat a salunat, mangrugi iti nadalus ken natalged a taraon.—O