Showbiz
Ni THEA RAMOS
SAANEN a napengdan ni Rayver Cruz ti riknana, friends. Inakona a ni Julie Anne ti inspirasionna.
Sabagay, mano a bulan itan a pumadpadawi daytoy babaen dagiti video-da nga agsalsala ken agkankanta.
Naimbag met ta addan nakatiliw iti imatang ni Rayver kalpasan ti panagsinada ken Janine Gutierrez.
Kinapudnona, agpadan dagitoy nga adda kaparehana. Ni Janine, naragsak iti sidong ni Paulo Avelino.
* * * Impannakkel ni Alden Richards a dina pay pulos napadasan ti nabasted iti babai.
Sabagay, pogi met ngamin.
Ti adatna, awan met ti nobiana iti agdama. Segun kenkuana, ipapatinanto ti maaddana iti nobia inton agtawen iti 30.
Ala, ket “willing to wait” met siguro dagiti babbai nga agpatpatay kenkuana.
* * *
Iti panagpatingga ti akemna a kas diputada inton Hunio 30, maysanton a pribado nga umili ni Dip. Vilma Santos.
Maawaganto manen iti Ate Vi.
Ken wen, posible nga ad-adun ti tiempona nga agaramid iti pelikula wenno teleserye.
Malaksid no ipapatina ti agrelaks.
Wenno kas kunana, supportive nga asawa ken ni Ralph Recto a misterna a nabotosan met a diputado.—O (Nupay agpada nga Ilokano a tubo iti Amianan dagiti dadakkel ni Thea Ramos, dimmakkel ken nagadal daytoy iti Manila. Mannurat kadagiti tabloid a Tagalog ken Ingles. Kameng ti Filipino Academy of Movie Arts and Sciences Awards [FAMAS].
Itoy a Bilang
tl
2022-06-16T07:00:00.0000000Z
2022-06-16T07:00:00.0000000Z
https://manilabulletin.pressreader.com/article/282342568472819
Manila Bulletin Publishing Corp