Manila Bulletin

Ipagpannakkel ni Celeste ti Darana a Filipino

Ni REGGEE BONOAN

ITI pannakakoronana a Miss Universe Philippines 2022, ni Celeste Cortesi ti mangibagi iti Filipinas iti Miss Universe 2022 iti San Jose, Costa Rica.

Insagut daytoy Filipina-Italiana a 24 anios a balasang ti kinareynana ken ni nanangna nga inspirasionna bayat ti kaaddana nga agmaymaysa nga agbibiag iti Filipinas.

Malaksid ken ni nanangna, inspirasion pay ni Celeste ti nobiona a ni Mathew Custodio a maysa a FilipinoBriton ken kameng ti Philippine Azkals a football team ti pagilian. Babaen ti maysa a paskil iti Instagram, impannakkel ni Mathew ti panangabak ti nobiana.

Impasingked met ni Celeste a no sadino man ti magtengna wenno ania man ti magun-odna, saanda nga agsina ken Mathew.

Impannakkelna met a napalalo ti panangsuportar kenkuana ti nobiona.

Linawlawagan met ni Celeste ti maipapan iti pudno a darana. Nagrag-o ngamin dagiti tagaVenezuela iti panangabakna. Kuna ni Celeste, puro nga Italiano ti amana ngem nayanak laeng iti Venezuela.

Iti sabali a bangir, puro met a Filipina ti inana, ket segun ken ni

Celeste, ipagpannakkelna daytoy.—O

Itoy a Bilang

tl

2022-06-16T07:00:00.0000000Z

2022-06-16T07:00:00.0000000Z

https://manilabulletin.pressreader.com/article/282351158407411

Manila Bulletin Publishing Corp