PAOAY, ILOCOS NORTE.

Iti Summer Trade Fair iti Paoay, Ilocos Norte idi Abril 30-Mayo 2, 2022, a nakipartisiparan ti Mariano Marcos State University. Sungbat ti MMSU daytoy iti awis ti Provincial Government of Ilocos Norte (PGIN) iti babaen ti Micro, Small, and Medium Enterprise Office (MSMEO) iti insayangkatna nga “MSME LinkIN Summer Trade Fair” a kas pannakipaset met ti PGIN iti panagpiesta ti Paoay. Nairaman kadagiti produkto ti MMSU a naipakita ken nailako ti black garlic, pacencia manipud iti kamangeg, pickled egg, pickled pinakbet, ken dadduma pay nga agri-aqua based products. Adda iti ladawan da Cathelyn Alupay, Jerson Coloma, ken Junvern Rana, agpapada nga agserserbi iti Agri-Fisheries Technology Business Incubator (AFTBI) Project ti Science and Technology (S&T) Park ti MMSU. (Mercy R. Gaño)