Manila Bulletin

Tao, Lugar, Pasamak

Ni Skyler Teves Ablang ti Paratong, Santa Lucia, Ilocos Sur, ti kaubingan a nakisalip iti Kannawidan Art Competition ken Exhibit iti probinsia ti Ilocos Sur a naangay iti Saint Paul Cathedral, Vigan City, kaduana dagiti propesional a pintor bayat ti kallabes a Kannawidan Festival ti probinsia. Ti pintura (painting) ni Skyler (kaabayna; pinirmaanna iti “Sky 2023”) ti maysa kadagiti kaunaan a nagatang bayat ti nasao a painting exhibit. Inspirasion ni Sky (birngasna) ni nanangna (Claire) ken ni ikitna (Abigail). Idolona met ni ulitegna a Bryan Teves ti Santa Lucia met laeng a kunana a nangisuro kenkuana nga agpinta. Maysa a premiado a pintor ni Bryan; mairaman kadagiti inyalatna a pammadayaw ti 2012 grand prize ti Sining PSE [Philippine Stock Exchange] ken ti 2015 grand prize ti Metrobank Art and Design Excellence [MADE], maysa kadagiti mapagraraeman nga art awards iti Filipinas. (Teksto: Danny Antalan | Pammadayaw ni Abigail Teves ti ladawan.)

News

ilo-ph

2023-03-16T07:00:00.0000000Z

2023-03-16T07:00:00.0000000Z

https://manilabulletin.pressreader.com/article/281973201864625

Manila Bulletin Publishing Corp