PINILI, ILOCOS NORTE.

Ti The Timpuyog Group iti daytoy nga ili iti panangyawatna iti tulongna iti maysa kadagiti agkasapulan a kailianda. Indanon ti grupo, iti panangibagi da Carlina Estavillo Salva (sango, kanawan), Aida Zafaralla ken Elizabeth Pahinag (likud, agpakanawan), ti tulong a kuarta ken bitamina ken ni Apo Dencio Saturnio ti Brgy. Badio itoy nga ili. Malaksid ken ni Apo Saturnio, naipaayan pay iti tulong da Apo Ludivico Pagdilao ti met laeng Brgy. Badio (kuarta ken bitamina), ken abuloy para ken ni Nenita F. Gajes ti Brgy. Puritac gapu iti ipupusay ti kaingungotna. Naggapu ti tulong a kuarta kadagiti kamiembroanda a da Mercy Magaoay, Luis Dacanay, Imelda Pascua Fernandez, Venchita Javier, Melandrina Goh, Pablito Pascua, Rolando Tacub ken Marieta Tacub. Naggapu met dagiti bitamina ken ni Carlina E. Salva. Panggep ti The Timpuyog Group nga idauluan da Rex Soriano ken Elson Castillo ti mangipaay iti “uray sangkabassit laeng a tulong” a kas pangiparikna dagiti kameng a silalagipda kadagiti agkasapulan iti pannaranay a kakailianda. (CES)