Pesto Ham Sandwich

ADTOY ti sabali pay a potahe a mabalintayo nga idasar. Nairaman daytoy iti 2023 Menu Guide Calendar, Healthy Snacks and Beverages for Adults ti Food and Nutrition Research Institute (FNRI) iti panggepna a tumulong a mangipaay iti nasustansia a taraon wenno merienda kadagiti umili. Dagiti Ramen: Para iti Pesto 1 tasa a rangaw ti kamote/kamotig ½ tasa a bulong ti marunggay 1 kutsara a bawang, nadekdek 2 kutsara a mani, nakirog 2 kutsara nga iodized salt ½ kutsarita a pimienta 2 kutsara a manteka 2 kutsara a danum ¼ tasa nga all-purpose cream 1 kutsara manteka a pagprito 5 kailgat (25 g) a sweet ham 5 kailgat (10 g) a keso, naiw-iwa 5 bukel (80 g) a Nutribun, pagguduaen Panangisagana: 1. Mangala iti blender. I-blender ti rangaw ti kamotig, bulong ti marunggay, bawang, mani, asin, pimienta, manteka, ken danum. Ipaigid iti apagapaman. 2. Mangala iti pariok. Ipapudot ti manteka. Prituen ti ham. Pagsinnumbangiren a lutuen; tallo a minuto ti kada bangir. Adawen. 3. Iti isu met laeng a pariok, ipapudot ti pesto sauce ken cream. Pabureken iti lima a minuto. 4. Aramiden ti sandwich. Mangikabil iti tallo kutsara a pesto sauce iti maysa a bangir ti bread. Mangikabil iti maysa nga iwa a ham ken 1 nga iwa ti keso. Ikalub ti bangir ti bread.—O