Ti Lunod (24)

Ti Napalabas: Kinidnapda ni Richelle ket inkeddengda nga ilemmeng iti Filipinas. Iti dalanda a mapan iti airport, pinanggep ida a patayen dagiti tao ni Don Contreros. Iti sabali a bangir, nag-propose ni John ken ni Armina. Saan nga inawat ti balasang ngem napan iti balay da John.

Isu met ti idadarup da Paul Lee. Natay ni Armina ken adda nangisikat kadakuada ken Daniel iti ospital a nagpaagasanda. Pabasolen ni John ti ulitegna a mayor. Inawaganna ti am-ammona ket pinakarsanda dagiti banko ni Mayor Villa. Impa-Filipinas ni Melanie ni Richelle ngem nakita ni Don Contreros ida iti airport. Nangibaonda iti dua a taoda iti eroplano. Pinaturog ni Melanie ti maysa ngem idi agsubli iti tugawda, awanen ni Richelle ket atapenna nga impan ti maysa pay iti cargo section. Saanen a makontak da Don Contreros dagiti taona iti eroplano ket napapalo a pungtotna, aglalo idi awagan ni Mr. Giovanni.

Nakair-irut ti pannakaet-et ti tengngedna. Saanen a makaanges. Manggapun a ngumisit ti panagkitana iti aglawlawna...

(Maika-24 a Paset)

NAMINSAN pay a minatmatan ni Don Contreros ti caller ID ti selponna. Kinutimna ti akimbaba a bigbigna, sa napaanges iti nauneg. Ni Mr. Giovanni. Ammona lattan no apay nga immawag daytoy. Maipapan iti pannakakidnap ni Richelle De Gianna ken ti pannakapaluspos daytoy. Naparasaw ta no saan a nengneng dagiti taona, saan koma a napasamak ti kastoy.

Makapungpungtot. Ngem nasimbeng ti bosesna a simmungbat. “Good morning, Mr. Giovanni,” inkablaawna.

“Good morning, Don Contreros .... I hope you have a wonderful time this early morning...”

Immanges iti nauneg. “Saan ngarud, Mr. Giovanni...” “Naammuak a napalusposanyo ti subject-tayo...” Naun-uneg manen ti anges ni Don Contreros. “One simple mistake, Mr. Giovanni... ngem dimo pakadanagan ta saanen a maulit pay. Ken maysa, kas nakunam, adu pay ti nabati a panawen...”

“Dayta ti kayatko nga ibaga kenka, Don Contreros... Idi kalman, nakasaritak manen ni Mrs. De Gianna. Ninayonak ti offer-ko, ngem kasla ad-addan a timmangken ti nakemna. Kasla addan pagkarkaritna. Saanna kano nga ilako ti korporasion.” “Ladingitek no kasta, Mr. Giovanni...”

“Isu nga ita, iti kasapaan a panawen, kayatko a mapasublitayo daydiay a balasitang tapno maallukoytayo ni Mrs. De Gianna.”

“Saanka a madanagan, Mr. Giovanni. Trabtrabahuenen dagiti taok ti balasitang. Adda dua a taok iti eroplano a nagluganan dagiti agikit nga agturong iti Filipinas. No mapaayda man, adda met taok nga agur-uray kadakuada iti Ninoy Aquino International Airport.”

“Good. Ngem agannadkay laeng iti Filipinas. Adda dakkel a casino ti De Gianna Corporation idiay, maysa kadagiti maibilang a jewel property ti korporasion a nasken a maalatayo. Diak kayat a mairaman ti naganko iti ania man a krimen tapno saantayo a ma-blacklist iti gobierno. Nabileg ti agdama a presidenteda...”

“We’ll execute our mission with extreme caution, Mr. Giovanni. Ken ileppasmi iti kabiitan a panawen.”

“Namnamaek dayta, Don Contreros. Ket kas naikarikon kenka, kukuam ti sangapulo a porsiento ti kompania no makontroltayo dayta a kompania...”

Napaisem ni Don Contreros. Binilion ti asset ti korporasion ket dakkel ti sangapulo a porsiento a bingayna. Nasken a saandan nga agkibaltang pay. Nasken a maaladan ni Richelle De Gianna.

MALL OF ASIA, PHILIPPINES. Iti maysa a restaurant iti uneg ti maysa kadagiti kadadakkelan a mall iti sibubukel a lubong, mangmangan ti tallo a lallaki iti lamisaan iti suli. Malaksid kadagiti adu a makan iti lamisaanda, adda pay sagduduada a lata ti San Miguel beer. Napigsa ti panagsasarita ken panagpapaggaakda. Isuda la ti sangkataliaw dagiti padada a mangmangan, ngem awan ti makaitured nga agreklamo ta iti langlanga pay laeng dagiti tallo, umanayen a pakakigtotan ti asino man aglalo iti kadakkelanda iti uni. Napuner daytoy. Nabisked. Kiskis ti ulona. Nakasando laeng ket nalatak dagiti tallo a dadakkel a balitok a kadena a kuentasna. Ken nabunubonan amin a ramayna iti dadakkel a singsing, malaksid laeng kadagiti tanganna.

Nasinga iti panagkiriring ti selponna. Napasardeng iti panangkutsarana koma iti kanenna. Inruarna ti selpon manipud iti bolsa ti pantalonna. Kinitana ti caller ID. Aggapu iti Amerika ti awag. Ammona lattan a trabaho daytoy.

“Rico Sacramento,” insungbatna.

“Hello, Rico...” insungbat ti immawag.

“Who are you?”

“Sammy Montez, remember me?”

“From Chicago... with Don Contreros...”

“Natadem ti lagipmo, gayyem.”

“Diak malipatan dagiti nasasayaat a gayyem... Ania ti maipaayko kenka?”

“Are you still in the market?”

“Always... that’s all we do.” Nagkatawa ni Rico. “Then I have a job for you...” “Execution?”

“Kidnap...”

“The easy one!” Nagkatawa manen ni Rico. “Saan a nalaka daytoy, gayyem. Amangan no daytoy ti karirigatan a trabaho a maiggamam.”

Nagkatawa manen ni Rico. “Kabaelak dayta, gayyem. Awan ti narigat nga aramiden kadakami.”

“Adda dua a pasaherotayo a dumteng dita iti alas onse ita nga aldaw. Aggapuda iti Amerika. Agpadada a babbai, maysa a tin-edier ken maysa nga agkabannuag. Ngem balballaaganka, CIA dayta agkabannuag. Napeggad. Saantayo a sigurado no adda paltogna inton makadanon dita. Pangpangngaasim, ibilangmo latta nga adda paltogna ta pudno a napeggad daytoy a babai.”

“Copy that. Kidnapenmi ida a dua?”

“Saan. Ti laeng tin-edier.”

“Ket ti kaduana?”

“Aramidem ti kayatmo. Ngem nasaysayaat no patayem.”

“Roger that.”

“Ipatulodko kenka ti flight number ti eroplano a naglugananda ken ti ladawan dagiti target. Urayem ti instruction no sadino ti pangipanam iti target apaman a maalam.”

“Copy that.”

“Itinnagminto ti kuartam iti bankom. Maysa laeng a pammalagip. Classified daytoy nga operasion. Isu a nasken nga isayangkattayo a siaannad ken masapul a nadalus. Masapul nga awan ti maikompromiso. Saandaka nga am-ammo. Saandaka a kinasarsarita. Ken awan ti