Tips

PANANGLAPPED ITI ATAKE TI PUSO, KDP. A TIPS.

1. Kuna dagiti doktor nga agarup 90 a porsiento ti atake ti puso ti mapaspasamak iti nasapa a bigat. Ngem mabalin a maliklikan daytoy no uminumka iti maysa wenno dua a baso a danum sakbay a maturogka iti rabii. 2. Tapno maikkat ti naipilkat a chewing gum iti badom, ipanmo ti badom iti freezer iti uneg ti maysa nga oras. 3. Tapno mapapurawmo ti puraw a bado, yupermo daytoy iti napudot a danum a nalaokan iti tubbog ti lemon wenno kalamansi iti uneg ti 10 a minuto. 4. Kagura dagiti kuton ti pipino. Mangipan ngarud iti ukis ti pipino kadagiti lugar a namnamaem a gagangay a yan dagiti kuton. 5. Nadaldalus ken napurpuro met laeng ti maaramidmo a yelo no ipaburekmo nga umuna ti danum sakbay nga ipanmo iti freezer.

TAPNO DARAS LUMAMIIS TI SERBESA.

1. Tapno daras lumamiis ti serbesa wenno ania pay a mainum, mangibabasa iti napkin wenno paper towel sakbay nga ibungonmo daytoy iti botelia wenno lata ti mainum. Kalpasanna, iserrekmo iti freezer ket bay-an iti agarup 15 a minuto. 2. Tapno saan nga agbalin a naangot ti trash can (pagbasuraan), ap-apam iti daan a pagiwarnak ti tukot ken didingna (ikingna). Makatulong daytoy a mangagsep iti tubbog dagiti maibasura a makan. 3. Tapno maliklikan ti panagkubuar ti danum wenno digo ti lutlutuem ket aglayas pay iti paglulutuam, mangiparabaw laeng iti kayo nga aklo iti ngiwat ti kaserola.. 4. Tapno daras madalusan ti microwave oven, mangiserrekka laeng iti sangabaso a danum sakbay a paandarem. Ti alibungabong ti napudot a danum, paluknengenna dagiti dimket a taraon iti uneg. Nalakanto laengen a punasam.

ISUSUNGBAT NO ADDAKA ITI MITING.

Maibalbalakad a sakbay a sumungbatka, umangeska iti nauneg. Liklikan met ti mangsallin iti maysa a tao nga agsasao a kasla ketdin dikan makaur-uray a mangibaga iti opinionmo. Saanmo la ketdi a kayat no kastoy met ti aramidenda kenka. Kitaem met a nasayaat ti panagtugawmo. Masapul a nainder ti bukotmo, medio ingatom met bassit ti timidmo. Adalem ti tignay dagiti tattao nga addaan iti panagtalek iti bagi ket kastoy ti ar-aramidenda—a dida met ketdi iranranta. Liklikan met ti awan serserbina a sinnupangil iti kapanunotan ta awan ti mangabak no di ket agpadpadakayo a maabak—ken agbalin a nakakatkatawa.