Manila Bulletin

Ti Akkub

NAARAMAT nga akkub ti Bannawag itoy a bilang ti maysa kadagiti pintura ni Bryan Teves a napauluan iti “Talinaay.” Naaramat ti oleo a pinangiladawanna iti daytoy iti kambas nga agrukod iti 4 a kadapan a kangato ken 5 a kadapan a kaakaba a naileppasna idi 2021 a panawen ti pandemia.

Maibilang daytoy a pintura kadagiti nayeksibit iti maikadua a solo exhibit-na a napauluan iti

“Connected” nga inangay ti DF Art

Agency iti Manila a ti panggepna, isu ti tumulong a mangipaganetget iti kinapateg ti panangsalaknib iti nakaparsuaan para kadagiti sumarsaruno a kaputotan. Ti met laeng DF Art Agency ti nangangay iti umuna— ken naballigi a solo exhibit-na.

Agtengnga iti pito nga annak da Liberato Teves ken dati a Marjorie Benitez ti Brgy. Paratong, Sta. Lucia, Ilocos Sur daytoy Ilokano a pintor a maysa kadagiti mabigbig a pintor iti pagilian iti agdama. Napilitan a nagsardeng iti panagadalna iti Fine Arts iti University of the Philippines Baguio idi adda iti maikadua a tukad gapu iti kinarigat ti panagbiag. Nupay kasta, saanna nga inidian ti nakayanakanna nga essem iti panagpinta. Adun dagiti pammadayaw a naawatna kadagiti nakipartisiparanna a salip iti panagpinta. Maibilang kadagitoy ti 2012 grand prize ti Sining PSE (Philippine Stock Exchange), 2014 Top 10 finalist ti Philippine Art Award (PAA), ken 2015 grand prize ti Metrobank Art and Design Excellence (MADE), maysa kadagiti mapagraraeman nga art awards iti Filipinas.—O naawatmo a pammilin kadakami. Nalawag kadi, Rico?”

“Loud and clear, my friend.” “Keep in touch with us... as discreet as possible...”

SITATAKDER pay laeng ni Melanie iti sango ti ridaw ti rest area dagiti stewardess. Pinaiserrana ti agsumbangir a kortina ti pasilio tapno mailinged kadagiti pasahero ti aramidenna. Dadaelenna ti ridaw tapno makastrek.

“Miss Davis, we should notify the pilot,” kinuna ti maysa kadagiti stewardess.

Nagwingiwing ni Melanie. “Saanen a nasken. Nasaysayaat no basbassit ti makaammo iti mapaspasamak. Pakaammuam laeng dagiti dadduma pay a kakaduayo nga agtignayda a kasla awan ti dakes a mapaspasamak.”

Nagtung-ed dagiti tallo nga stewardess. Idi agpallayog manen ti eroplano ket nag-ahhhh! dagiti pasahero, inggiddan ni Melanie ti nangipennek a nangibangdol iti bagina iti ridaw. Nalukatan daytoy. Agdan ti naitangkarang. Dinardarasna ti immuli, ngem apaman a naitungrarawna ti ulona iti lulonan ti agdan, sinabat ti maysa a kugtar. Napukawna ti balansena ket naalus-os iti dua a pangal sakbay a nakakapet iti paladpad ti agdan.

Simmurot a bimmaba ti maysa a lalaki. Ngem nakasaganan ni Melanie. Kimmugtar ti lalaki ngem nasippaw ni Melanie ti saka daytoy. Naggulagol ti lalaki. Ti met maysa pay a sakana ti inkugtarna. Naparusokan ni Melanie. Napukawna ti kontrolna ket naalusos manen.

Saanen a simmurot pay ti lalaki. Immuli. Simmurot ni Melanie. Napardas. Tinukmaan ti lalaki ti buokna. Ginuyod daytoy nga impangato. Nagngariet ni Melanie iti sakit. Kasla malapsutan ti ulona iti panagriknana. Iniggamanna ti ima ti lalaki a nangpungot kenkuana ket pinadasna nga akkalen. Napigsa ti lalaki. Intuloknan a ginuyod daytoy nga impangato.

Apagsagpatna iti kadsaaran a yan ti lalaki, pinarusokan ti lalaki a dinanog. Napaatras ni Melanie sa nabitog iti datar. Napigsa ti lalaki.

Dimmarup manen ti lalaki. Ginammatan daytoy ti buok ni

Melanie. Nagngariet ni Melanie iti sakit. Ngem pimmigsa ti riknana iti pannakaparimrimna ken ni Richelle a nakaidda iti sofa. Awan puot ti kaanakanna ngem maibasar iti langa daytoy, sibibiag.

Ginuyod manen ti lalaki ti buokna. Kayat daytoy a patakderen. Inangayna ti pigsana. Ket iti panangguyod manen ti lalaki iti buokna, kellaat a rimkuas ket apaman a nakatakder, impennekna a dinanog ti rusok ti lalaki. Inulitna. Iti kapamitlo, inibbatan ti lalaki ti buokna ket nagarukong. Pinagsinnangal ni Melanie dagiti ramayna sa inrakusna dagiti dakulapna iti tengnged ti lalaki. Inawidna sa immegmegna sa kalpasanna, pinagsasarunona nga intumeng ti rupa ti lalaki. Agdardaran ti rupa daytoy ngem napigsa latta. Naandur, kasla dina iginggina dagiti danog ken tumeng ni Melanie. Rakusen koma manen ni Melanie ti tengnged ti lalaki ngem sisisiglat ti lalaki a nagpusipos ket isun ti nakarakus iti tengnged ni Melanie. Inet-etanna. Nagtulakak ni Melanie. Ikarkarigatanna ti rumuk-at ngem pudno a napigsa ti lalaki. Isu pay laeng ti pannakaamiris ni Melanie iti kinabaneg ti lalaki. Kasla umang-anges dagiti takiag daytoy. Iti irut ti pananget-et daytoy iti tengngedna, maangsanen. Saanen a makaanges. Manggapun a ngumisit ti panagkitana iti aglawlawna.

Pagam-ammuan, nanakraas dagiti buong ti botelia iti datar. Minalo ni Richelle ti ulo ti lalaki! Ngem saan a napadso ti lalaki. Nupay kasta, naikuleng daytoy ken nalukayanna ti tengnged ni Melanie. Ginundawayan ni Melanie dayta. Ginammatanna ti takiag ti lalaki a nakarakus iti tengngedna. Nagpuligos sa insuyona ti lalaki. Nabaltog daytoy iti datar. Dinardaras ni Melanie a sinakayan.

Itoy A Bilang

ilo-ph

2023-06-01T07:00:00.0000000Z

2023-06-01T07:00:00.0000000Z

https://manilabulletin.pressreader.com/article/282759181051974

Manila Bulletin Publishing Corp