Publication:

Bisaya - 2021-05-01

Data:

Cloe Barreto ug Marco Gomez: Mingsangat Sa Mapangahasong Papel sa Pelikulang “Silab”

Cover Story

Ni NONIE V. NICASIO

GIANGKON sa mga bituon sa pelikulang “Silab” nga sila si Cloe Barreto ug Marco Gomez nga mingsangat gyod sila sa mapangahasong papel sa naasoyng pelikula. Kini gidumala sa premyado ug de kalibreng direktor nga si Joel Lamangan ug gikan sa inagos sa tinta ni Raquel Villavicencio. Gisalmot usab dinhi sila si Jason Abalos, Lotlot de Leon, Chanda Romero, Jim Pebanco, Quinn Carrillo, Karl Aquino, Christine Bermas, Rie Cervantes, ug uban pa. Matod pa ni Cloe, nakabatyag siya ug nahilahing excitement sa ilang launching movie. Pamahayag pa sa aktres: “Sobrang excitement po ang nararamdaman ko. Hanggang ngayon nga po ay hindi po ako halos makapaniwala na nakagawa ako ng movie na ako pa iyong isa sa bida. Hindi pa rin po ako makapaniwala talaga.” Ang hunk actor nga si Marco usab namahayag nga wala siya magduhaduha sa mga daring scene sa pelikula. Matod ni Marco, “Actually noong time na iyon, hindi na. Kasi, lahat ng mga ino-offer sa aking movie, puro daring. Hanggang sa sinabi sa akin ni Nanay Len (Carrillo, manager nila ni Cloe), ‘Marco, accept it, pang sexy actor ka, kahit ano’ng gawin mo, hindi ka puwedeng parang loveteamloveteam na parang James Reid’. “So, naisip ko na hindi bagay sa akin yung mga ganoon. And kasi sabi niya, ‘It’s your choice naman,’ sabi ni Nanay Len. Kaya I’m very thankful to her, kasi hindi niya ako pinilit na magganyan.” Dugang pa sa morenong aktor, “So, when I thought about it, Direk Joel told me na ako yung bida sa movie na Silab, hindi na ako nag-second thought, sabi ko, ‘Sige gawin ko na ito, ito na ang break ko’.” Usa ka babayeng wild ang karakter nga gidala dinhi sa 20 year old nga si Cloe. Atnganan gyod kaayo ang mga daring scene nila ni Cloe ug Marco. Si Cloe isip si Ana ug si Marco sa papel nga Rod, parehong may mga kapikas na. Apan nangita si Cloe og nahilahing kainit sa paghigugma gikan kang Rod, diin dili niya mabatyagan gikan sa mister niyang gidala usab ni Jason (Abalos). Gipahayag ni Cloe nga mas daring ug mas mainiton ang love scene nila dinhi ni Marco. Mas daghan ba silag lambutsingan dinhi si Marco kay kang Jason? “Opo, mas marami po yung kay Marco kaysa kay Jason,” mapahiyomong tubag ni Cloe. Giisip usab ni Marco nga dako kaayong panalangin kaniya kining maong pelikula nga dalit sa 3:16 Media Network nga gipanag-iya sa iyang manager nga si Ms. Len. Matod pa niya, “Talagang I feel blessed, kasi I’ve been in showbiz for almost four years and may time na gusto kong gumive-up. Kasi siyempre iba ang sistema rito sa Pilipinas, tapos hindi Tagalog ang first language ko. “So, may time na gusto kong mag-give up… pero since my father passed away, so I promised him to continue this passion we both have. Tapos ayun, sobrang blessed ako na ibinigay sa akin yung ‘Silab’. And maganda naman daw yung feedback sa amin sa movie, so really feel blessed about it,” pamahayag pa sa 22 year old nga si Marco kinsa didto magdako sa nasod sa Austria. Taas kaayo si Marco. Six footer, moreno, usa ka mag-aawit, ug martial arts black belter. Malipayon usab nga gipahat ni Cloe nga nalipay siya sa maayong feedback tungod kay, matod pa sa mga tigpaniid, ingon sa dili bagohanon ang iyang acting sa “Silab”. Hisgot pa niya, “Sobra pong natuwa, na at least kahit paano ay napapansin ako. Pero ginawa ko po talaga yung best ko, so parang nakakataba po ng puso na makarinig ka ng mga comments na ganoon.” Karon pa lang, gikulbaan na ang aktres tungod kay adunay plano nga isalmot sa mga international filmfest ang ilang pelikula. “Yes, po... kinakabahan po ako… wish ko po na makapunta ako sa film festivals, sa mga ganoong award-award, sana po makapunta at magkatotoo iyon,” mapahiyomong komento sa matahom nga aktres. —

Images:

© PressReader. All rights reserved.