Publication:

Bisaya - 2021-05-01

Data:

Urom

Balak

ang unlan nga gipiyalan mo sa bug-at mong ulo, gilumot nga bato. ang habol nga gigakos mog maayo mga bagon nga milikos kanimo ang katre nga imong gihigdaan, usa ka disyerto sa punggot nga mga ulo sa mga langgam ang imong lawas gisabuwakan og asin ug gidangdang sa aso gikan sa sug-angan mong panumdoman diin nagkomparsa ang mga bakukang. ang imong kasingkasing bayanan sa bug-atan nga sa gapas gipalamanan ang imong tutunlan usa ka budyong nga sa kilid gibuslotan ang imong mga tiil, mga kamot, mga bulig sa linghod nga saging nga wala malahos og kaabis sa sanggot ang imong mga mata, mga pako sa alibangbang nga gidat-ol sa bukubuko sa bao kansang simod, matag karon ug unya, hinolon sa lihok nga kamot sa taknaan. KENNETH MICHAEL BABA Dakbayan sa Talisay

Images:

© PressReader. All rights reserved.