Si SPANKY Si ESQUEJO ug si PEPE SMITH

SUKAD sa pagtaliwan ni Pepe Smith sa miaging Enero 27, 2019, ang katawhan mas daghag pangutana kaysa tubag, nakaumol og daghang madudahon kaysa matinuohon, ug nakamugna og daghang trivia kaysa kamatuoran. Ug tingali, tingali lang, ang labing maayong tawo nga makapiho niining maong mga tinuod mao ang tawo nga labing suod niya— ang tawo nga naggahin og lima ka tuig sa iyang kinabuhi uban sa iyang musika, sa karsada ug sa lamesa— si Richard Esquejo.

Katuigan sa Pagkaumol

SUSAMA siya sa karakter sa usa ka pelikulang aksiyon: tagas og buhok, adunay gilok nga bangas, kaspag nga bungot, botas ug kuspaw nga karsones. Kon tan-awon, mora tag magpanagana. Apan aduna siyay malumo nga kasingkasing ug maayo kaayong motokar sa baho.

Si Spanky, nga maoy tawag kaniya sa kahigalaan sulod sa sirkito sa musika, nagpangedaron pa lamang og napulog unom sa dihang nagsugod ang iyang kasibot sa musika. Tataw pa sa iyang panumdoman nga migamit siyag cassette tapes sa pagsubay sa pipila ka nota sa pipila ka kanta nga buot niyang ikober. Patokaron, pahunongon, paatrason ang usa ka pagtikular nga huni. Sa iyang kabatan-on, nahimo siyang teknikal sa iyang pasyon sa musika.

“I started in the 90’s as an acoustic player and later on as a lead guitarist, in small bars and big venues alike. I had a handful of compositions back then, I also play drums. My hairdo back then, was semi-kalbo, ha-ha,” agi-ik ni Spanky.

Usa sa iyang mga higala, si Pudong, mitanyag kaniya nga konsiderahan ang gitarang baho isip alternatibong instrumento sa musika.

“Pudong is the drummer of Tanya Markova from Cainta, Rizal. Then Tito Abe (Hipolito) of Watawat Band (the backup band of Freddie Aguilar) talked me into playing the bass guitar. Stating that it is the backbone and rhythm of every band, so I learned the rudiments of the instrument. And I loved it! So I shifted to the bass guitar,” matod ni Spanky.

Ang iyang angga, walay labot sa iyang ngalan, ug kini adunay kalambigitan sa iyang hitsura. Human magpatubo og buhok sa nawong ug magpatubo og taas nga buhok, adunay mikomentaryo nga susama siya ni Spanky Rigor sa bantogan nga T.O.D.A.S sa dekada 80. Hinuon, susama gyod siyag hitsura niini. Ug ang maong tawag mitapot na kaniya.

Ang Iyang Mga Banda

ANG abilidad ni Spanky sa pagtokar sa baho nga gitara wala mahitabo human sa usa ka gabii. Usa kini ka kulminasyon sa nangawala nga mga banda nga iyang naagian. Ang Sandugo usa ka banda kauban si JC Hipolito. Ang Maunani lain sab nga grupo uban si Abe Hipolito, diin iya kining gikonsiderar nga iyang maayong magtutudlo. Si Abe Hipolito nagtokaran karon ni JK Labajo nga gikan sa sikat nga “Buwan”.

“After that, bumuo ako ng grupo ko na pinangalanan kong Afterjuan. Solid rock ang tugtugan namin. We cover Black Sabbath, Led Zepellin, Juan Dela Cruz and others. We were lucky enough to play regularly at Motorista Bar for some time,” paghinumdom ni Spanky.

Human sa usa sa ilang mga set, adunay nagteks niya ug midapit kini nila nga motokar isip backup band ni Pepe Smith. Mao sab kini ang panahon nga si Pepe ilawom sa bagong kadumalahan ug kinahanglan nga mobiya na sa iyang karaang banda nga Kwadro. Ila kining gidawat, natural,

(uban sa dakong tabang ni Abba Pangilinan) ug ang grupo nakakuha og malig-ong sandiganan tungod niini. Gikan sa Afterjuan, mihamtong sila ngadto sa Drivetrain Band ug hangtod nahimong The Pepe Smith Blues N Rock Force.

Ang kausaban sa ngalan sa banda usa ka “dili kalikayan nga panginahanglan”, matod niya, tungod sa kiyawkiyaw sa “Pepe Smith Rockfest” nga nahitabo kaniadtong Hunyo 1, 2018.

“To ward off the negative stigma brought about by that event in Pepe’s life,” matod ni Spanky.

Nasayod siya nga daghan siyag gisakripisyo sa dihang misulod siya sa kalibotan sa rock n roll. Sa walay paghunahuna sa kalisdanan, sa negatibong mga kritisismo sa isigkamusikero, sa halawom na nga takna sa kagabhion sa

Ang tuyo nila niadto mao ang pagkuha sa pinanggang gitara ni Pepe gikan sa iyang kanhing gipuy-an. Ang ilang biyahe walay naani nga gitara, apan ang kasibot sa panagkuyog sa ilang biyahe nakapahimong suod kanila.

pagpauli, ug sa mga higayon nga dili mabayran iyang talento, ang iyang pamilya misuportar kaniya sa unsa may iyang gibuhat. Andam siyang mitugbang niining tanan pinaagi sa iyang walay limit nga pagpasundayag ug pagtokar sa bisan asa ug bisan kanus-a. Bisan katuigan niya sa musika nga kapin na sa kawhaan ka tuig ug nagpadayon pa sa pag-ihap, wala siyay laraw nga mohunong o kaha mohinay bisan gamay.

“Rock n roll, as Pepe Smith would have said it,” mahimutong sulti ni Spanky.

Panagtagbo Uban sa Hepe

“PEPE Smith was already a well-known figure when I first heard of his music. Together with Wally Gonzalez and Mike Hanopol, they were the salt of Pinoy Rock as Juan Dela Cruz

Band, I idolized them from the very start. Innovators silang tatlo at ganu’n din ‘yun ang ibang banda like, Maria Cafra, Asin, Sampaguita, Gary Perez at iba pa. That is why when the chance came, that, I would be a part of a band backing up ‘The Pepe Smith’, my adrenalin pumped from the many questions and clarifications I had in mind for years, and now, would be answered,” asoy ni Spanky.

Sa dihang gipangutana kon si Pepe Smith labaw pa ba sa amahan, labaw pa sa higala o kaha musikero kini isip kauban niya, ang iyang tubag:

“Package deal. Magaling s’ya makisama, hindi lang kaibigan at kabanda ang turingan, walang pa ako nakilalang ganito makisama. Naalala ko nuon pag nag-iinuman kaming dalawa, pag humingi ako ng payo talagang papayuhan ka n’yan. Du’n ko naramdaman na marunong s’ya magmalasakit pagdating sa

problema. Maasahan mo s’ya kya. Well, ganu’n din naman ako sa kanya,” daling sal-ot ni Spanky.

Si Queenie Smith, ang kamagwangang anak ni Pepe Smith aduna maayong mga pulong alang kang Spanky.

“We treat Spanky as a family member, hindi na s’ya iba sa amin. He was the one who brought Papa to PGH, when Papa had to undergo an emergency surgery. We really owe him a lot,” matod ni Queenie nga nagpuyo na karon sa gawas sa nasod.

Labihan kalumo sa kasingkasing ni Spanky. Sa matag karon ug unya, iyang susihon ang kahimtang ni Pepe didto sa ilang balay.

“Two times na nga, siguro I was at the right place and the right time, nahulog si Pyaps sa hagdanan at nasalo ko. Kung hindi eh, ewan ko, kasi medyo frail na din kasi physique ni Pyaps,” matod niya.

Unya anaa pa kining insidente sa kateter. Sa dihang si Pepe nagpakalig-on pa human sa iyang operasyon sa PGH, gitabangan ni Spanky si Pepe sa duol nga klinika. Apan kay ang serbisyo niini (ang pag-ilis og kateter) nagkinahanglan man og bayad ug ang bugtong salapi ni Pepe atua pa man sa LBC nga gipadala nianang adlawa, kay kini giadres man kang Pepe ug dili kang Spanky, wala silay mahimo kondili kinahanglan gyod si Pepe nga pisikal nga atua sa LBC sa SM Masinag. Si Spanky, sama sa sugilanon sa pelikula, nanghuwam og wheelchair sa klinika, gitulod si Pepe subay sa national highway suot sa kalasangan sa trapiko hangtod nga nakaabot sila sa LBC aron makuha ang kuwarta nga gitagana nga ibayad sa serbisyo sa klinika. Pastilan, usa lang ka tinuod nga higala ang makahimo niini!

Ang kamatuoran angayng isulti, si Spanky nagpakabili sa iyang panahon kauban si Pepe Smith.

“I will never forget him for as long as I live. He loves life so much that, I consider him a total entertainer. His sense of humor is not that different but the way he delivers it is with much gusto. He is a human Waze, he recalls every place that we went to.”

Biyahe ug Pagkaon

SILA si Spanky ug Pepe adunay mga butang nga parehas. Managsama silang mahiligon sa pagbiyahe ug pagkaon.

Sama sa ilang panagkuyog sa biyahe sa Baguio, Palawan ug Pangasinan ug ubang mga dapit ug destinasyon diin sila nagpahigayon og mga pasundayag ug bisan walay labot sa ilang pagka musikero nga mga biyahe.

Nakahinumdom siya sa ilang biyahe sa Baguio dugay na. Ang tuyo nila niadto mao ang pagkuha sa pinanggang gitara ni Pepe gikan sa iyang kanhing gipuy-an. Ang ilang biyahe walay naani nga gitara, apan ang kasibot sa panagkuyog sa ilang biyahe nakapahimong suod kanila.

“When we were in Palawan, we missed our plane ride, because Pepe is still wading on the beach!” paghinumdom ni Spanky.

Lain pang biyahe nga nagkuyog sila mao kadtong miadto silag Pangasinan. Human sa taas ug makaluya nga biyahe, iyang giseguro nga si Pyaps adto sa labing maayong lawak sa balay ug maoy kaonon ang labing maayong pagkaon. Sa iyang bahin, dili magsapayan si Spanky kon matulog siya ilawom sa landong sa mangga o kaha anha lang mopahuway sa lantay basta ang iyang higala ug bayani sa kinabuhi nga si Pepe Smith komportable sa pagkatulog.

“Imagine my surprise, when in the wee hours of the night, a flickering flashlight darted towards me. It was Pepe Smith finding his way in the dark and wanting to join me. Sabi ni Pyaps, ‘dito na lang ako sa papag… mas presko’. We talked about life until we fell asleep. But not until I gave him a pair of socks, para hindi s’ya lamukin,” matod ni Spanky.

Kalabog En Bosyo — Reprised

“PABORITO namin puntahan ay 7-11 para kumain. Pwede na nga s’ya (Pepe Smith) gawin product endorser ng 7-11 sa dami ng nabili n’ya du’n,” pasiaw ni Spanky.

“It was me who suggested to Pyaps to transfer to Cainta so that, I can assist him anytime he needs help,” deklarar ni Spanky.

Sanglit nagpuyo sa haduol nga village sa Cainta, Rizal sulod sa daghan nang katuigan, mipalaping si Spanky kang Pyaps nga mas maayo nga adto na kini mopuyo sa Cainta kaysa didto sa karaan niyang gipuy-an sa Antipolo. Ang panimalay ni Pepe malabay rag bato gikan sa mall, ospital, ug pipila ka kan-anan.

Atol sa usa ka mahangin ug matugnaw nga Disyembre sa miaging tuig 2018, kining tagsulat nakahigayon sa pagbisita ni Pepe Smith didto sa iyang bag-ong balay sa Cainta uban usab sa intersesyon ni Spanky. Kay nasayod man sa kamahiligon ni Pyaps sa lamiang pagkaon, gidad-an nako siyag ubay-ubay nga serving sa roasted nga dunggan sa baboy ug sa lokal nga delicacy nga gitawag og pichi-pichi. Uban ang kabana nga basin gipailawom si Pepe sa estrikto nga diet, gipangutana nako si Spanky kon okey lang ba kang Pepe kon kaonon kini.

“Hus, walang bawal sa akin,” mao ang tubag nga nakuha nako gikan kang Pepe Smith mismo.

Sila si Spanky ug Pyaps kanunayng mag-estorya sa ilang libreng panahon sa bisan unsang butang ilawom sa Adlaw. Apan usa kuno ka partikukar nga topiko nga maoy hilig estoryahan nila ni Pepe mao ang kalabot sa mga ayroplano ug mga jet!

“And Playstation too, not too many people know this, but he loves talking about it. He is actually good at it. He plays with me and his son Beebop,” padayag ni Spanky.

Si Bimbo, usa ka suod sa pamilya, kanunayng anaa sa panimalayng Smith. Usa siya ka tig-ayo nga mahimong makaayo sa bisan unsa— gikan sa earphone hangtod na sa malisod ug komplikadong mga makinarya. Usa usab siya nga gitarista.

“I remember Pyaps used to tell me back then ‘i-enjoy mo lang ang buhay’. Palagi n’ya yan sa amin sinasabi ni Bimbo pag nag-iinuman kami. Kaya we were able to compose a song named ‘Enjoy Lang Tayo’. Narekord ko pa ‘yun, medyo rough ‘yung demo pero okey din,” butyag ni Spanky.

Gihulagway ni Pepe si Spanky isip usa ka maayong higala ug kauban sa tagay. Kausa niana, nangomedya pa siya. “Nagtataka nga ako, bakit until now hindi pa nabubuntis si Spanky eh.”

Alas 5:46 sa buntag sa Enero 27, 2019 sa dihang mibagting ang cellphone ni Spanky apan wala niya kini matubag. Narehistro didto ang numero ni Pepe, diin nahunahuna ni Spanky nga mao na kadto ang kataposang tawag ni Pepe. Gimulto siya niining panghitaboa hangtod karon.

“I was sound asleep and I wasn’t roused,” paghinumdom ni Spanky. Unya igo lang milapas sa 6:30 sa buntag sa maong adlaw, wala na si Pepe.

“Baka magpapaalam o may ibibilin o may sasabihin importante, I don’t know eh kasi hindi ko nga nasagot tawag n’ya,” masulub-ong sulti ni Spanky.

Tungod kay wala pa mahibalik ang kadasig tungod sa pagtaliwan ni Pepe Smith, iyang gipili, sa kasamtangan, nga mobiya una sa alingasa ug kasiot sa kinabuhi sa dakbayan ug mopuyo lang una sa Zambales uban ang iyang anak. Misaad siya nga banhawon ang legasiya nga gibiyaan ni Pepe pinaagi sa iyang kataposang banda nga Blues And Rock Force.

“Pahinga lang, mag mumuni-muni mun at mag-compose ng mga kanta,” panamilit ni Spanky.