PUYDE MALANGOYAN

Sa imnanan ni Paulina sa Sagbayan, dihay duha ka palahubog...

Natingala si Kapitan nganong nagguot ang mga tawo sa ilang Barangay Health Station mao nga iya kining giadtoan. Didto, nakita niya ang mga lumulupyo sa ilang barangay nga mga hamtong ug mga bata nga nangayog tambal sa pagpangatol sa ilang panit...

Kapitan: Ma’m, unsa man ning nahitabo nga nagdasok man ning mga tawo dinhi?

Nars: Nagpatambal lagi, Kap, kay puwerteng pangatol sa ilang mga panit, naay gipangkagid, gipangkurikong ug unsa pa diha. Kapitan: Nganong naingon man sila ana? Nars: Nangaligo ug naglangoy-langoy sa suba, Kap. Di ba nagpahibalo ka man nga puyde malangoyan ang atong suba? Sus, unsa ba nga hugaw man diay tingali kaayo ang tubig mao nga natakboyan silag sakit sa panit.

Kapitan: Aw, dili ba naa may tubig nang suba?

Nars: Siyempre, Kap, naay tubig kay suba god.

Kapitan: O, sa ato pa kay naay tubig, puyde gyod malangoyan, di ba? Wala man ko mag-ingon nga luwas siyang langoyan. Sala nila nganong nagpataka silag ubog sa hugaw nga tubig!